“Çifti i çuditshëm” i Inis Gjonit
ngjitet në Teatrin Kombëtar

“Çifti i Çuditshëm” i dramaturgut të njohur amerikan Neil Simon do të ngjitet në skenë me regji të Inis Gjonit. Regjisorja e intervistuar nga Report TV thotë se nuk e ka pasur të vështirë që t’i hapen dyert e Teatrit Kombëtar.

“Arsyeja pse patëm dyert e hapura  është se e para jemi që fëmijë që jemi ngjitur në këto skena, karriera në raport me artin në tërësi është shumë e hershme, por nuk është besoj qëllimi dhe dashamirësia  e teartit, është puna, besoj që janë shfaqje të cilat publiku i pëlqen pasi janë shfaqje që kanë lënë gjurmë në teatër si “10 vjet martesë”, “Dadot”, “Vdekja e një mbretëreshe”, “Mbroni shpellarin”, thotë Inis Gjoni.

Gjoni ua ka besuar rolet Romir Zallës, Gentian Zenelit, Mehmet Xhelilit, Ervin Bejlerit, Besmir Bitrakut e Rozana Radit. Kjo komedi i prezanton publikut një tablo humoristike dhe karaktere të gjalla.  

“Ja kamë thënë aktorëve që në momentet e para që nuk është qëllimi im që publiku të vijë të qeshi. Është e rëndësishme që publiku të qeshi, por duhet të dali i shplodhur nga teatri. Personazhi duhet të jetë i sinqertë sa më i vërtetë sa më konkret duke mos shkuar me kastile te komedia.”, tregon Gjoni

Skenografia e kuruar me detaje nga Stivi Rapo dhe Inis Gjoni e bëjnë tërheqëse gjatë gjithë kohës komedinë. Mesazhi është i qartë. Martesa në mungesë të harmonisë e kompromisit është e destinuar të mos funksionojë. Po si konceptohet ky fenomen nga regjisorja?

“Sigurisht që unë e mbështes shuam divorcin”, thotë Inis Gjoni.

Romir Zalla mban peshën e prezantimit të dy personazheve, burrit të divorcuar dhe bashkëshortes që është e pranishme vetëm në bisedat me miqtë.  Loja dhe gjestet e aktorëve të tjerë  shkaktojnë situata të larmishme humori. Komedia do shfaqet nga datat 26 deri më 29 Tetor dhe 2 deri më 5 Nëntor në Teatrin Kombëtar.  

Redaksia Online
J.Sh Shqiptarja.com