POP 5

Lajmet më të lexuara të 5 minutave të fundit

Media

“Dueli” Berisha - Rama
të enjten përballja në TV

Në të njëjtën ditë, në të njëjtën orë, por në studio të ndryshme, Berisha e Rama do të përballen me njëri – tjetrin në distancë. Kryeministri në “Opinion” për fitoren e 22 marsit 1992 dhe kreu i opozitës për vizitën në SHBA dhe qeverisjen e demokratëve.
“Dueli” Berisha - Rama<br />të enjten përballja në TV
TIRANË - Ata të dy nuk janë vendosur kurrë përballë njëri - tjetrit në një studio televizive. Mënyra e vetme për t’i përplasur ata me kundërshtarin respektiv mbeten intervistat individuale apo debatet me njerëz të medias. Kështu do të ndodhë edhe këtë të enjten.
Në të njëjtën ditë, në të njëjtën orë, por në studio të ndryshme, Berisha e Rama do të përballen me njëri – tjetrin në distancë.

BERISHA
Kryeministri Sali Berisha njoftohet se do të jetë i ftuar në emisionin “Opinion” nga Blendi Fevziu, pikërisht më 22 mars, ditën e ardhjes së PD në pushtet, pas zgjedhjeve të para pluraliste në Shqipëri. Spoti televiziv lajmëron se, kryeministri Berisha do tu përgjigjet pyetjeve në retrospektivë për atë çka ndodhi në vitet e para të demokracisë por më pas do të ndalet tek dilema nëse ka arritur Shqipëria aty ku duhet dhe si po ecën zhvillimi demokratik i vendit.

RAMA
Po më 22 mars, kryesocialisti Rama do të flasë mes të tjerash edhe për qeverisjen e demokratëve. Por, këtë herë në studion e emisionit politik “Top Story” të gazetarit Sokol Balla. Rama do të flasë gjërësisht për vizitën e fundit në Shtetet e Bashkuara të Amerikës dhe për takimet e mbajtura atje me zyrtarët e lartë të Departamentit Amerikan të Shtetit. Më tej Rama do të ndalet tek pikëpyetjet se ku po shkon opozita, sfidat e saja të ardhshme dhe pritshmëria për zgjedhjet parlamentare të vitit 2013.

(aq/shqiptarja.com)



  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23