Më 9 Mars Gjykata e Lartë do ti japë përgjigje të pandehurve të procesit “Hakmarrja për Drejtësi” nëse do të pranojë apo jo kërkesën e tyre për të rihapur nga e para këtë proces gjyqësor.

“Hakmarrja për Drejtësi” prej dy dekadash mbetet procesi më i gjatë gjyqësor për drejtësinë shqiptare proces për të cilin ende nuk ka një vendim të formës së prerë.

Shumë prej të pandehurve të këtij procesi mes tyre Orik e Laert Shyti kanë fituar azik politik në vëndet e BE-së. 

Azili i fituar prej tyre u përdor si argument në gjykim dhe nga avokatët e tyre të cilët kërkuan që të rrëzohet dënimi përjetë dhe klientët e tyre të shpallen të pafajshëm.

Ndaj kësaj organizate kriminale rëndon një sërë veprash penale të kryera mes viteve 1992-1996 mes tyre ajo e bombës pranë ish supermarket Vefa në Tiranë, vrasja e shoferit të ish kryeprokurorit Sallaku dhe një sërë garbitjesh me armë.
 
Redaksia Online
(F.T/shqiptarja.com)