POP 5

Lajmet më të lexuara të 5 minutave të fundit

Arkiva

“Harrohet” KQZ, zgjedhjet kushti i
BE, raporti për Shqipërinë në teto

Zgjidhja e ngërçit të KQZ, plotësimi ose riformatimi i këtij institucioni nuk u përfshi në rendin e mbledhjes së djeshme parlamentare, kjo pas mosarritjes së një konsensusi mes palëve.
TIRANE - Zgjidhja e ngërçit të KQZ, plotësimi ose riformatimi i këtij institucioni nuk u përfshi në rendin e mbledhjes së djeshme parlamentare, kjo pas mosarritjes së një konsensusi mes palëve. Një mosarritje të konensusit e paralajmëroi edhe zyrtari i lartë i Departamentit Amerikan të Shtetit, Jonathan Moor, i cili tha se është institucioni i Kolegjit Zgjedhor që mund të japë verdiktin e zgjedhjeve.

Por gjithë vëmendja e ndërkombëtarëve, pas qëndrimeve pozitive të paketës me 3 ligjet e integrimit, është fokusuar te institucioni që do të administrojë zgjedhjet e 23 qershorit. Duke e konsideruar KQZ si një institucion i cunguar pavarësisht veprimtarisë së saj me 4 anëtarë, ky është i vetmi apel që po përditësohet nga faktori ndërkombëtar në vend.

Gjithësesi edhe pse tre ligjet u votuan, tashmë mbeten edhe zgjedhjet e 23 qershorit që duhet të realizohen brenda standarteve të kërkuara në mënyrë të tillë që Shqipëria të marrë notë pozitive që do ta çonte drejt përmbushjes së 12 rekomandimeve. Por duke iu referuar mungesës së futjes së KQZ në rendin e djeshëm të punimeve në Kuvend, kreu i OSBE tha se duhet një KQZ e plotë edhe pse kjo nuk ishte në paketën e ligjeve të integrimit.

“Dua që të kemi një KQZ të plotë, por ta ndajmë nga procesi i miratimit të 3 ligjeve. Por kur ndërton të ardhmen e një vendi nuk mund të jesh kurrë aq konstruktiv sa duhet”, tha kreu i OSBE në vendin tonë. Ndërkohë që kreu i BE, Etore Sequi tha se zgjedhjet e lira janë kritike për funksionimin e institucioneve. Palët kanë lënë pezull këtë çështje, ku opozita shprehet se zgjedhjet mudn t`i fitojë edhe nëpërmjet komisioneve të nivelit të dytë zgjedhor, nga ku do të dalë dhe numërimi i votave dhe shpallja e rezultatit të zgjedhjeve.

QËNDRIMET

Një shqetësim për mosarritjen e konsensusit për  KQZ e ngriti dhe Koalicioni i Vëzhguesve Vendorë. KVV u ka bërë thirrje forcave politike që të gjejnë zgjidhje për ngërçin në Komisionin Qendror të Zgjedhjeve, duke siguruar administrimin e mëtejshëm të procesit me një anëtarësi të plotë të KQZ-së.

“Në kushtet kur KQZ funksionon e paplotë, kur Kolegji Zgjedhor është akuzuar nga forcat opozitare për qëndrim të njëanshëm dhe kur Gjykata Kushtetuese në një vendim të marrë pak ditë më parë i heq të drejtën vetes për të shqyrtuar ankimime lidhur me zgjedhjet, besimi i qytetarëve në forcën dhe zbatimin e ligjit si dhe në vetë procesin zgjedhor vihet seriozisht në pikëpyetje”, thuhet në një deklaratë të Vëzhguesve Vendorë.

Shkrimi u botua sot në gazetën Shqiptarja.com (print) 31.05.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03