“Heshtja e Dyfishtë”, libri i Carlo Bollino
më i shitur në librari

Në vitrinën e librit të ri i janë shtuar lexuesit shqiptarë romane, libra udhëzues, historik dhe politikë.

Interesin më të madh nga lexuesi shqiptar e kanë patur librat: “Heshtja e dyfishtë” nga gazetari italian Carlo Bollino, “Misteri i Hagadasë së Sarajevës” nga Geraldine Brooks, “Penelopa në luftë” nga Oriana Fallaci, “Të dobësohesh pa Stres” nga diabetologu Alayn Golay dhe libri “Të vallëzosh në Shi” nga Nimfa Jaço.


(Foto: Libri më i shitur në librari, "Heshtja e Dyfishtë" nga gazetari Carlo Bollino)

Në një intervistë për emisionin “Rreze Dielli”, Kozeta Gjanci librashitësja e një prej librarive më të frekuentuara në Tiranë tha se lexuesit shqiptarë i pëlqejnë më shumë librat me konspiracion, romanet dhe librat politikë. “Lexuesi shqiptarë është shumë afër librit”, tha Kozeta.

Librat më të shitur në këtë librari sipas librashitëses  janë: Misteri i Hagadasë”, “E fshehta e një Vere” “Kalorësi i bronztë”, “Hija e Erës” dhe “Loja e Ëngjëllit” dhe libri i gazetarit Carlo Bollino “Heshtja e Dyfishtë”.
 

(Foto: Libri i Oriana Fallaci "Penelopa në luftë")

Librashitësja tha se libri “Heshtja e Dyfishtë” ka patur një shitje më të madhe. “Që ditët e para  pati një interes nga grupmosha të ndryshme dhe vazhdon të shitet tek libraria jonë”, u shpreh Kozeta Gjanci.
 
Në vitrinën e librit të ri prurjet janë të shumta nga shtëpitë botuese dhe numri i lexuesve është gjithnjë në rritje. Redaksia Online (m.z/shqiptarja.com)

TAG:
• carlo bollino