POP 5

Lajmet më të lexuara të 5 minutave të fundit

Kronikë

“Lazarati”, dëshmon psikologia:Të
miturit s’u dhunuan gjatë arrestimit

Pas 53 seancash gjykimi ende dosja “Lazarati 2015” ku u vra efektivi i RENEA, Ibrahim Basha nuk ka një vendim. Gjatë deklarimeve të sotme të psikologes që ka asistuar arrestimin e të miturve për akuzën e vrasjes së policit Basha, nuk kanë munguar tensionet dhe akuzat se gjyqi ndaj Lazaratësve është politik.  VIDEO
“Lazarati”, dëshmon psikologia:Të<br />miturit s’u dhunuan gjatë arrestimit<br>
Është shoqëruar me tension mes të pandehurve dhe dëshmitares së thirrur nga prokuroria Loreta Mamani seanca e sotme e Lazaratasve të pandehur si autor të vrasjes së efektivit Ibrahim Bashan në 2015.

Mamani me profesion psikologe deklaroi se ka asistuar e thirrur nga policia e shtetit dhe prokuroria procedurën e arrestimit të Xhulio Malos, Elson Kazmës dhe Oltion Prokos.

Mamani u shpreh se “me sa kujtoj unë të miturit në 2015, Malo, Kazma e Proko nuk ishin të dhunuar dhe nuk më shprehën se ishin dhunuar teksa ndodheshin në komisariat”.

Por ky deklarim sipas avokatëve dhe vetë të pandehurve që sot janë në moshë madhore është një mashtrim pasi psikologja gënjen duke mos treguar që ata janë kërcënuar nga RENEA dhe Policia e Shtetit për të firmosur gjëra të pavërteta.

Oltjon Proko një nga të arrestuarit e mitur në 2015 tha se “më mbani prej 3 vitesh kot në burg, tani doni të më hiqni e fjalën dhe pse RENEA më rrahu e më hoqi padrejtësisht nga shkolla”.

Trupa gjykuese vendosi të mbyll hetimin gjyqësorë duke lënë 21 shkurtin si datën ku prokuroria do të paraqes konkluzionet ndaj të pandehurve.

Fillimisht ky gjykim nisi me dëshmitarë të drejtësisë dhe gjykim të shkurtuar por pas tërheqjes së Xhulio Malos nga marrëveshja me prokurorinë gjykimi u rifillua me procedurë normale.

Ndërkohë mamaja e të pandehurve në këtë proces Elvis dhe Bajram Bocia hodhi akuza ndaj policisë për terrorin që u është shkaktuar fëmijëve të mitur.

“Në Lazarat është bërë një dhunim total, nuk është luftuar fenomeni, por janë luftuar banorët dhe këtë e di shumë mirë Saimir Tahiri. Sot policia e Saimir Tahirit kanë dalë në kërkim, s’po gjejnë se ku janë eksponentët që drejtonin shtetin. Ai shtet që është sot në kërkim ka dhunuar djalin tim që ka ardhur në burg në 2014. Ky nuk është një fëmijë në Alepo të Sirisë, por një fëmijë në Lazarat”, shprehet mamaja Bocëve.

Ibrahim Basha u vra më 24 qershor 2015 dhe prej asokohe nën akuzë janë 11 të pandehur mes tyre të rinj të fshatit Lazarat që sipas prokurorisë u organizuar në grup për të rikthyer kultivimin e kanabisit në këtë fshat.

Er.K/Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

22 Dhjetor, 12:52