“Unë jam vrasësi, më arrestoni!”
thotë kosovari pasi vrau boshnjakun

Ai është paraqitur në inspektoratin më të afërm të policisë menjëherë pasi ka kryer vrasjen. Bëhet fjalë për një kosovar 27 vjeçar, ndërsa viktima një 26 vjeçar me prejardhje nga Bosnja “Unë jam vrasësi, më arrestoni!”

Këto janë fjalët që ia ka drejtuar policisë pas një akti të kryer të dielën (dje) në Brigittenau të Vjenës, Austri. Ai është paraqitur në inspektoratin më të afërm të policisë menjëherë pasi ka kryer vrasjen, njofton agjencia austriake e lajmeve APA. Bëhet fjalë për një kosovar 27 vjeçar ndërsa viktima është një 26 vjeçar me prejardhje nga Bosnja.

I riu kosovar ka thënë se shkak është bërë një zënkë në mes tij dhe boshnjakut në një lokal. Por ai ende nuk ka thënë asgjë për motivet, duke theksuar se së pari do të konsultohej me avokatin e vet.

Dëshmitarët kishin lajmëruar policinë dje rreth orës 15:00 për një zënkë të zhurmshme që kishin dëgjuar. Pak më vonë një person i qëlluar në kokë u gjet i pajete.

Nisur nga të dhënat e deritashme, policia konsideron se rrëfimi i kosovarit është i vërtetë, por mbetet ende të merren provat dhe të shqyrtohen. Pas disa ditëve autoritetet do të dalin me qëndrimin përfundimtar./Albinfo

(d.b/Shqiptarja.com)