Legalizimet, rregullat e reja
për hipotekimin e kompensimin

TIRANE- Ndryshimet e fundit në ligjin për legalizimin e ndërtimeve pa leje, i kanë hapur udhën përfshirjes në këtë proces të rreth 60 mijë ndërtimeve pa leje. Drejtori i degës rajonale të ALUIZNI-t për Qarkun e Tiranës, Paulin Rajta, shpjegon mënyrën si do përfshihen në proces këto ndërtime të ngritura pas vitit 2009. Sipas tij, vetëm në Qarkun e Tiranës, numri i tyre mund të arrijë në afërisht 20 mijë.

Sipas Rajtës, një pjesë e mirë e zotëruesve të këtyre ndërtimeve e kanë kryer më parë vetëdeklarimin, ndërkohë që të shumta janë edhe rastet kur grupet e ALUIZNI-t kanë kryer matjet për këto objekte, edhe pse nuk janë kualifikuar për hapat e mëtejshëm të procesit të legalizimit.