POP 5

Lajmet më të lexuara të 5 minutave të fundit

Ekonomi

Legalizimet, tapitë e reja për
2300 familje në qarqe

ALUIZNI publikon listën e re me emrat e 2.300 vetëdeklaruesve informalë që përfitojnë lejen e legalizimit në qarqet e vendit, duke ftuar ndërtuesit informalë të kryejnë sa më parë detyrimet ligjore të mëpasme
Legalizimet, tapitë e reja për<br />2300 familje në qarqe
TIRANE- ALUIZNI publikon listën e re me emrat e 2.300 vetëdeklaruesve informalë që përfitojnë lejen e legalizimit në qarqet e vendit, duke ftuar ndërtuesit informalë të kryejnë sa më parë detyrimet ligjore të mëpasme , të shfrytëzojnë kohën dhe mundësitë për të plotësuar detyrimet e tyre, me qëllim përmbylljen e procesit brenda afatit të shpallur, vitit 2013. Me një Vendim të Këshillit të Ministrave të vitit të kaluar, ka kaluar një projektligj që synon të ndryshohet struktura dhe funksionimi i Agjencisë së Legalizimeve, duke filluar nga shtimi i drejtorive rajonale për ato zona ku dosjet janë më të shumta në numër. Ndryshimet në ligjin për funksionimin e ALUIZNI-t shtojnë numrin e drejtorive rajonale për një sërë qarqesh.

Kështu, nëse në Tiranë, sipas ligjit ekzistues, kishte një drejtori rajonale dhe një sërë zyrash, ligji i ri parashikon që të ketë katër drejtori rajonale, të cilat do t'i kenë të ndara specifikisht dosjet me të cilat do të merren. Projektligji parashikon tri drejtori të reja në qarkun e Vlorës, dy në Elbasan, tri në Fier, dy në Durrës, dy në Korçë, etj. dhe një sërë drejtorish të tjera në disa qytete në vend.

Sipas ALUIZNI-t, pasi të kryhet pagesa e detyrueshme për procesin e legalizimeve, ky institucion do të pajisë me lejen përkatëse qytetarin e interesuar brenda një periudhe prej vetëm 48 orësh. Agjencia e Legalizimeve ka vendosur si objektiv që procesi i legalizimit të përmbyllet brenda vitit 2013. Ajo ka kërkuar që ndërtuesit informalë duhet t'u largohet ndërmjetësimeve (sekserëve), sepse të dëmtuar do të jenë vetë ata.


 Lexoni emrat e 2300 familjeve që marrin tapitë ne shqiptarja.com, (print)

Redaksia online
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

PD do të bllokojë rrugët, policia: Është vepër penale! Organizatorët do mbajnë përgjegjësi administrative dhe penale

PD do të bllokojë rrugët, policia: Është vepër penale! Organizatorët do mbajnë përgjegjësi administrative dhe penale

26 Nëntor, 10:14