POP 5

Lajmet më të lexuara të 5 minutave të fundit

Kultura

VIP & Spektakël

Bota

Legjenda e muzikës soul, Aretha Franklin, dje ka ndërruar jetë

Aretha Franklin, "mbretëresha e shpirtit", e cila u bë gruaja e parë e futur në Hall of Fame Rock and Roll, ndërroi jetë ditën e djeshme në Detroit në moshën 76-vjeçare.
Legjenda e muzikës soul, Aretha Franklin, dje ka ndërruar jetë

Këngëtarja Aretha Franklin

Aretha Franklin, legjenda e muzikës soul, dje ka ndërruar jetë në moshën 76-vjeçare. Atë e njeh gjithë bota, jo vetëm për zërin e fuqishëm, por edhe për karizmën e saj. Në vitin 2015, ajo bëri të qajë edhe presidentin amerikan, Barack Obama. Aretha po këndonte këngën “A natural woman” në Kennedy Center Honors 2015, kur Obama u përlot gjatë performancës.

Kjo performancë sot numëron rreth 12 milionë klikime në Youtube dhe mbetet ndër performancat e fundit dhe më fantastike të Franklin. Vetë Obama pati thënë më parë se, nëse do të shkonte në një ishull dhe larg njerëzve, do ta merrte me vete Aretha Franklin – për magjinë e zërit të saj dhe për dashurinë që ajo ka si person. Më vonë në vitin 2016, Obama prapë e ftoi Franklin në Shtëpinë e Bardhë për të festuar Ditën Ndërkombëtare të Muzikës Jaz.

Këngët e Aretha Franklin patën shumë ndikim tek shumë shtresa shoqërore, derisa ndikimi më i madh i hiteve të saj ishte në Afrikë. Këngët e saj që përshkruanin ngjarjet e asaj kohe, lidheshin me gjendjen e shumë skllevërve afrikane, ajo ishte një zë i shoqërisë civile dhe një feministe që ngriti zërin me këngët e saj, ajo këndonte për vuajtjen dhe dashurinë.  

Disa nga hitet e Aretha Franklin

Aretha Franklin ka shërbyer si inspirim për shumë gjenerata me hitet e saj si “Respect”, Naturale Woman” dhe “Think”.  “Chain Of Fools” – Fitoi çmimet si Grammy Award for Best Female R&B Vocal Performance, dhe Grammy Hall of Fame Award. Karakteristik e kësaj këngë është se është kompozuar plotësisht në minore dhe është një nga hitet e pakta të bazuar vetëm në një akord (minor chord). 

“Freeway of Love” është kënga fituese e çmimit Grammy. Kënga u bë hiti i viti 1985 të njëjtin sukses e pati edhe videoklipi i xhiruar në Detroit, Michigan. “Until You Come Back To Me” – Kënga ishte incizuar fillimisht nga Stevie Wonder në vitin 1967, mirëpo versioni i tij nuk ishte linçuar deri në vitin 1977. Versioni më i suksesshëm i kësaj këngë ishte ai i vitit 1973 nga Aretha Franklin. Më këtë këngë, Aretha arriti që të ishte këngëtarja e parë, që pati një këngë në çdo vlerësim nga 1 deri në 10 në tabelë. Këtë më vonë e arritën Marvin Gaye, Madonna dhe Taylor Swift. 

“Respect” – Kjo këngë besohet se i dha këngëtares njohje ndërkombëtare dhe jo vetëm në Mbretërinë e Bashkuar. Kënga shërbeu si një pikë referimi për lëvizjet feministe, si dhe i solli këngëtares dy çmime Grammy. “Knew You Were Waiting (For Me)”- është këngë fituese e çmimit Grammy dhe e para këngë e incizuar nga një këngëtare amerikane Aretha Franklin dhe një këngëtar britanez George Michael, një duet i vitit 1987. Franklin ka fituar 18 çmime Grammy dhe rreth 100 milionë disqe të shitura e bëjnë atë një prej emrave më të mëdhenj të muzikës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Burri i Kamala Harris: Nesër dua t’i them zemër je presidentja e Shteteve të Bashkuara

Burri i Kamala Harris: Nesër dua t’i them zemër je presidentja e Shteteve të Bashkuara

5 Nëntor, 21:43