Legjionarët/ Jasir Asani dhe Qazim Laçi gjejnë rrugën e rrjetës, Berat Gjimshiti jep asist

Legjionarët/ Jasir Asani dhe Qazim Laçi gjejnë rrugën e rrjetës, Berat Gjimshiti jep asist

Qazim Laçi dhe Jasir Asani

Legjionarët kuqezi kanë mbyllur një tjetër javë pozitive, duke regjistruar paraqitje të mira me klubet e tyre.

Jasir Asani është rikthyer te goli me skuadrën e Gwangju në Korenë e Jugut. Sulmuesi i Kombëtares gjeti rrugën e rrjetës në barazimin 2-2 ndaj Jeonbuk. Asani, i aktivizuar si titullar, realizoi golin e parë të takimit në minutën e 14-të.

Rrugën e rrjetës e gjeti edhe Qazim Laçi. Mesfushori kuqezi zhvilloi një ndeshje shumë të mirë në fitoren e Sparta Pragës 2-1 ndaj Ceske Budejovice në Çeki.

Laçi shënoi golin e parë të takimit në minutën e 64-t dhe në fund të ndeshjes u përzgjodh si lojtari më i mirë me notën 9.2 nga sajti i specializuar për statistika 'Sofascore'.

Atalanta e Berat Gjimshitit arriti një fitore të madhe në transfertë ndaj Empolit, me rezultatin e thellë 0-5. Kapiteni i Kombëtares kuqezi u aktivizua si titullar dhe ishte protagonist te goli i dytë, i shënuar në minutën e 33-të. Gjimshiti asistoi saktë për Reteguin, i cili gjeti rrugën e rrjetës.

Nga lojtarët e Kombëtares, titullarë me skuadrat e tyre u aktivizuan Arlind Ajeti, Enea Mihaj, Marash Kumbulla, Amir Abrashi, Kristjan Asllani, Feta Fetai, Adrion Pajaziti, Keidi Bare, Anis Mehmeti, Taulant Seferi, Arbër Hoxha dhe Arbnor Muja. Dhanë kontributin e tyre si zëvendësues Nedim Bajrami dhe Medon Berisha.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Prill, 11:51

    Trump tarifa doganore 10 për qind Shqipërisë, sa ndikon në ekonomi?



×

Lajmi i fundit

Tirana hapi AgroPark në Farkë, Veliaj: Mbajtëm premtimin, mundësi të reja për fermerët dhe qytetarët

Tirana hapi AgroPark në Farkë, Veliaj: Mbajtëm premtimin, mundësi të reja për fermerët dhe qytetarët