POP 5

Lajmet më të lexuara të 5 minutave të fundit

Ekonomi

Lehtësohet barra fiskale për makinat e luksit, taksë speciale 21 mijë lekë në vit

Qytetarëve që kanë një makinë luksi në vlerën e 5 milionë lekëve e lart tashmë do t’ju njihet edhe amortizimi. Deri më tani këtyre mjeteve nuk ju njihej amortizim, por që në momentin që bliheshin dhe në vazhdim njihnin të njëjtën taksë. Me këtë ndryshim të ri qytetarët do të shpëtojnë nga barra e madhe tatimore.

TIRANE- Drejtoria e Përgjithshme e Shërbimit të Transportit Rrugor ka njoftuar edhe një herë se në ligjin për taksat kombëtare është bërë një ndryshim i cili është në favor të gjithë qytetarëve që kanë në përdorim një automjet që konsiderohet luksi. Ky ndryshim parashikon që vlera e automjetit të luksit do të amortizohet çdo vit me 10% të vlerës së mbetur, duke iu kursyer të gjithë qytetarëve paratë që paguanin për mjetin e tyre.

Gjithashtu edhe pas amortizimit do të përcaktohet dhe vlera e shitjes. Mbi makinat luksoze zbatohet taksë regjistrimi në masën 70 000 lekë për regjistrim të çdo makine luksoze dhe taksë e përvitshme në masën 21 000 lekë çdo vit. Makinë luksoze konsiderohet çdo mjet që ka çmim të barabartë ose më të madh se 5 milionë lekë. Ndërkohë me këtë vendim të ri nëse çdo vit kësaj kategorie automjetesh i zbritet amortizimi 10%, qytetarët nuk do të paguajnë më taksën e luksit por taksë si makinat e thjeshta apo të përdorura. Për makinat e përdorura taksa vjetore përcaktohet nga cilindrat, koeficienti i vjetërsisë dhe taksa fikse për llojin e karburantit.

Për DPSHTRR-në, këto ndryshime ligjore i jepet fund një pabarazie disavjeçare ku shumë qytetarë mbeteshin nën taksën e Taksës Vjetore për Mjetet e Luksit sepse Ligji nuk parashikonte amortizimin e vlerës së mjetit në vite.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55