POP 5

Lajmet më të lexuara të 5 minutave të fundit

Politikë

Leja për pallatin edhe me
firmën e Shpëtim Gjikës

Hije të forta dyshimi janë ngritur për shkelje të ligjit lidhur me miratimin e lejës së ndërtimit të pallatit në pronësi të Xhafer Isufit, vjehrrit të kryetarit aktual të bashkisë së Tiranës, Lulzim Basha, njëherësh dhe kreut të Partisë Demokratike.
TIRANE- Hije të forta dyshimi janë ngritur për shkelje të ligjit lidhur me miratimin e lejës së ndërtimit të pallatit në pronësi të Xhafer Isufit, vjehrrit të kryetarit aktual të bashkisë së Tiranës, Lulzim Basha, njëherësh dhe kreut të Partisë Demokratike. Sipas, burimeve pranë prokurorisë së Vlorës, bëhet fjalë se ndërtimi i pallatit, ka marrë spunto nga dy vendime të paligjshme, ku i pari bën fjalë mbi një akt-teknik dhe plan urbanstik tërësisht të paligjshëm të kryer nga shefi i urbanistikës, tashmë i pandehuri Odhise Zoto, si dhe një vendim tjetër që i ka ndezur dritën jeshile për ndërtimin e pallatit, që është vendimi i KRRT-së në bashkinë e Vlorës. Ky vendim është miratuar nga anëtarët e këtij këshilli, dhe më pas kryebashkiaku Shpëtim Gjika ka vendosur firmën e tij, duke i hapur rrugën ndërtimit të objektit që në qytetin e Vlorës njihet si “pallati i Lulzim Bashës”. Gazeta “Shqiptarja.com”, disponon të plotë vendimin e KRRT-së, në të cilin është vendosur miratimi i lejës së ndërtimit për vjehrrin e Lulzim Bashës, Xhafer Isufi dhe Xhuvi Serxhi, të cilët evidentohen si pronarë trualli.

Leja në listë e para
Në vendimin e KRRT-së së bashkisë Vlorë, miratimi i sheshit të ndërtimit të objektit, renditet i 6 në listën prej 149 vendimeve që janë në mbledhjen e datës 17 gusht 2010. Një gjë e tillë, tregon se leja për ndërtimin e pallatit të vjehrrit të Lulzim Bashës, është diskutuar dhe ka kaluar ndër lejet e para të miratuara nga anëtarët e këshillit.

Vendimi i KRRT-së
Shkelje për prokurorinë e Vlorës është konsideruar dhe vendimi i KRRT-së, nr.5 i datës 17 gusht 2010, mirëpo për shkak se vendimi është marrë në mënyrë kolegjiale, pra me vota të anëtarëve të shumicës së këtij këshilli, hetimi nuk ka shtrirë efektin e tij dhe brenda anëtarëve të këshillit. Pikërisht në mbledhjen e 17 gushtit çështja e miratimit të lejës së ndërtimit, është dikutuar dhe se ka pasur dhe anëtarë që kanë kundërshtuar miratimin e këtij objekti, poshtë rrugës “Aleksandër Mojsiu”. Mirëpo zërat kundër në atë mbledhje nuk janë marrë parasysh, pasi çështja më pas është hedhur në votim dhe përpasojë, KRRT-ja e bashkisë së Vlorës ka miratuar me shumicë votash, lejën e ndëtimit të pallatit.

Në vendimin e KRRT-së thuhet se “Në mbështetje të ligjit Nr.8405 Datë 17.09.1998 “Për Urbanistikën”, KRR.T-ja e Bashkisë Vlorë, pasi shqyrtoi materialin e paraqitur nga Drejtoria e Planifikimit Urban dhe mendimin e Këshillit Teknik, vendoi të miratojë shesh ndërtimi për objekt banimi dhe shërbimi 1-3-4-kate + Papafingo në Lagjen “Uji i Ftohtë” në perëndim të rrugës “Aleksandër Mojsiu” me pronarë trualli Xhuvi Serxhi e Xhafer Isufi”. Pikërisht miratimi i këtij sheshi ndërtimi i ka kapur më pas rrugën dhe miratimit të lejës së ndërtimit.

Shkrimi u publikua sot (31.10.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi