Ndihmuan një person që të kalonte kufirin me pasaportë false, pezullohen 4 policë të Rinasit

TIRANË- Katër punonjës policie janë pezulluar nga puna, pasi ndihmuan të kalojë me pasaportë false për në Angli nënën e ish-policit të vrarë Arben Bilali. Ndër efektivët e pezulluar është edhe Matilda Bilali, gruaja e ish-policit të ekzekutuar me armë më 30 janar 2019 në zonën e Selitës

Bashkë me Matilda Bilalin janë pezulluar nga detyra edhe 3 punonjësit e tjetër të policisë: Liri Sinakoli, Aranit Dibra dhe Arta Mamani.  SHÇBA ka njoftuar se të katërt efektivët e Policisë, kanë tentuar të kalojnë shtetasen K.B me pasaportë të falsifikuar jashtë vendit. 

Matilda Bilali punon në drejtorinë e përgjithshme të policisë, ashtu si dhe e pezulluara tjetër Liri Sinakolli, ndërsa  Aranit Dibra dhe Arta Mamani janë punonjës të policisë në aeroportin e Rinasit. Nga burime të Report TV mësohet se Matilda Bilali, gruaja e ish-policit të vrarë, ka kërkuar ndihmën e kolegëve për të kaluar vjehrrën e saj drejt Anglisë. 

Nuk dihen ende arsyet se pse nëna e ish-policit të vrarë donte të udhëtonte në mënyrë klandestine drejt Anglisë, gati një vit pas vrasjes së të birit. 50-vjeçari Arben Bilali, u vra më 30 janar në zonën e Selitës, kur sapo zbriti nga një makinë ku ndodhej  bashkë me shokun e tij. Arbeni ishte djali i tretë i familjes Bilali që është vrarë, pasi vite më parë i janë vrarë edhe dy vëllezërit, Bujar dhe Leonard Bilali. 

I akuzuari kryesor për vrasjen e Arben Bilalit ishte Gjergji Cukali, miku i Emiljano Shullazit, që falë një vendimi të gjykatës së Apelit Tiranë, ia doli të rifitojë lirinë, disa muaj pas arrestimit. Ishte ADN e gjurmëve të një pështyme që u gjendë në makinën e vrasësve  që çoi grupin hetimor drejt Cukalit, por Gjykata e Apelit e quajti të pamjaftueshme si provë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 06/02/2020 17:32

    Shumë shumë shume e rende nje gje e tille! Bravo qe i kapet bajgat fshatare!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet