Shërbimi për Çështjet e Brendshme dhe Ankesat (SHÇBA) ka pezulluar nga detyra Shefin e Stacionit të Policisë Dropull dhe tre punonjës policie, pasi dyshohen se lejuan kultivimin e kanabisit. Sipas policisë bëhet fjalë për një hetim të nisur në 23 korrik të këtij viti, ku në fshatin Hllomo, Njësia Administrative Pogon u asgjësuan disa bimë narkotike, të llojit kanabis, ku është shpallur në kërkim edhe një person nga Lazarati me inicialet A.G.
Sipas policisë ky procedim është ndjekur me metoda pro-aktive dhe gjatë hetimeve janë grumbulluar fakte dhe prova, të cilat krijuan dyshimin e arsyeshëm se këta punonjës policie, me veprimet dhe mosveprimet në mos-përmbushje të detyrës funksionale dhe me qëllim përfitimin e paligjshëm kanë konsumuar elementet e veprës penale të “Korrupsioni pasiv i personave që ushtrojnë funksione publike”. Gjithashtu ata dyshohet se ata janë të përfshirë edhe për depërtimin e klandestinëve nga vendet e lindjes, nga Greqia drejt vendit tonë që e përdorin si trampolinë drejt BE-së.
Të pezulluarit nga detyra;
- N/Komisar Urim Shameti me detyrë, ish-Shefi i Stacionit të Policisë Dropull;
- N/Komisar E.R., me detyrë Specialist për Hetimin e Krimeve në Stacionin e Policisë Dropull;
- Inspektor H.L., me detyrë SPZ në Stacionin e Policisë Dropull;
- Inspektor S.B., me detyrë ish-oficer i Patrullës së Përgjithshme në Stacionin e Policisë Dropull.
Ndërkohë që në Korçë, në doganën e Gorricës u ndaluan dy policë; Inspektorët V.Ç. dhe V.D. me detyrë ndihmës specialistë/kontrollorë. Ndalimi i tyre u bë në vijim të operacionit të datës 7 dhjetor 2019, ku u sekuestrua një sasi mallrash kontrabandë dhe u arrestuan në flagrancë 3 punonjës policie, efektivë të doganës së Gorricës për falsifikim kompjuterik dhe korrupsion pasiv të personave që ushtrojnë funksione publike”. SHÇBA vijoi hetimet nga ku thekson se rezultoi e provuar se ka qenë një veprimtari e kundra-ligjshme funksiononte në formën e një mekanizmi të mirë-organizuar.
Të dyshuarit në bashkëpunim me njëri-tjetrin, me doganierë, por dhe me disa persona të tjerë lejonin dhe favorizonin futjen e automjeteve me mallra kontrabandë ose mallra, të cilat nuk lejohen të futen në Shqipëri, në këmbim të përfitimeve monetare. Po sipas njoftimit, dy punonjësit e policisë V.Ç. dhe V.D., në cilësinë e kontrollorëve, regjistronin të dhëna të rreme në sistemin TIMS duke tjetërsuar targën dhe llojin e automjetit, kjo me qëllim favorizimin e kontrabandës në këmbim të përfitimeve të paligjshme financiare.
Komente
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
Britani/ U kap në shtëpi bari, 21-vjeçari shqiptar pranon rolin e kopshtarit (EMRI)
22 Dhjetor, 19:58 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Gjirokastër/ Banesa përfshihet nga zjarri, shkak një defekt në bombulën e gazit! Shpëtojnë mrekullisht familjarët
21 Dhjetor, 15:40 -
Gjirokastër/ Makina del nga rruga te 'Ura e Kardhiqit', vdes drejtuesi 62-vjeçar
20 Dhjetor, 08:02 -
Punonte për 'bosët e shtëpive të barit', si e fundosi telefoni ish-policin shqiptar (EMRI)
19 Dhjetor, 19:36
