POP 5

Lajmet më të lexuara të 5 minutave të fundit

Leksion gjerman për Italinë, trajneri Mancini: Turp! Hungaria poshtëron Anglinë, humbja më e thellë për 'tre luanët' që nga 1928

Italia ka bërë figurë shumë të keqe përballë Gjermanisë duke u mposhtur me shifrat e thella 5-2. Një humbjë që sipas trajnerit Mancini është për turp, ndërsa edhe Anglia ka pësuar një disfatë të rëndë në shtëpi pasi Hungaria e poshtëroi 0-4.

Italia mbylli me një goditje të dhimshme fushatën e ndeshjeve në Ligën e Kombeve, pasi ‘axurrët’ u shkatërruan 5-2 nga Gjermania në ndeshjen e katërt të grupit. Në Borusia Park serinë e golave e nisi Kirmmich dhe Gundogan vulosi pjesën e parë. Në të dytën rezultati do shkonte deri në 5-0 falë Muller dhe ‘dopietës’ së Ëerner, duke e shndërruar natën gjermane në një makth për Italinë. Gjithsesi në vijim Gnoto do shënonte golin e nderit, ndërsa Bastoni do zbuste disi disfatën. Pas 90 minutave trajneri Mancini deklaroi se është një turp ky rezultat, ndërsa shtoi se gabimi më i madh ishte që Italia nuk u mbrojt si grup.

Për të vënë duart në kokë ishte edhe rezultati i ndeshjes tjetër të këtij grupi. Anglia e ‘yjeve’ është poshtëruar 0-4 nga Hungaria. Goli i Salait në pjesën e parë fillimisht u cilësua si rastësi, ndërsa në pjesën e dytë do vinte tronditja e madhe. Salai sërish, Nagy dhe më pas Gazdag shokuan Anglinë. Trajneri Southagte në fund mori të gjitha përgjithësitë për vete, ndërsa e cilësoi si një eksperiencë të hidhur. Pavarësisht këtyre pati shumë vërshëllima dhe kritika nga tifozët, pasi kjo ishte humbja më e thellë në shtëpi që nga viti 1928.

Pas katër ndeshjeve në këtë grup Hungaria renditet e para me 7 pikë, Gjermania e dyta me 6 pikë, Italia e treta me 5 pikë dhe Anglia e fundit me 2 pikë.

Ndërkohë Holanda vijon me fitoret në Ligën e Kombeve, pasi ‘tulipanët’ ia dolën 3-2 kundër Uellsit, ndërsa Belgjika mori tre pikët me rezultatin 0-1 në fushën e Polonisë. Pas 4 ndeshjeve Holanda udhëheq me 10 pikë, ndërsa ndjek Belgjika me 7.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51