POP 5

Lajmet më të lexuara të 5 minutave të fundit

Ekonomi

Euro e nis vitin 2020 me rritje të lehtë, këmbehet me 122 lekë

Euro e ka nisur vitin 2020 me një përmirësim të lehtë ndaj lekut. Këtë të martë një euro po këmbehet me 122 lekë duke u përmirësuar me 1 pikë nga dhjetori i 2019. Pavarësisht këtij përmirësimi euro përsëri është nën nivelin që ka regjistruar në janar të vitit 2019 kur këmbehej me 123 lekë.

Në ditët e para të vitit 2020, pozitat e monedhës së përbashkët evropiane në treg janë në përmirësim në raport me luhatjet e shkaktuara në muajin dhjetor 2019.

Më datë 6 janar referuar të dhënave të Bankës së Shqipërisë, një euro është këmbyer me 121.97 lekë duke pësuar një rritje të lehtë krahasuar me datën 31 dhjetor 2019, ku një euro u këmbye me 121.77.

Gjatë muajit dhjetor data 23 shënoi rënien më të madhe të monedhës evropiane pasi arriti të këmbehej me 121.5 duke humbur më shumë se një pikë nga ditët e para të dhjetorit.

Ndërkohë këtë të martë euro sipas kursit zyrtar po këmbehet me 122.10 lekë, nga 123.55 lekë që këmbehej në datë 7 të vitit të kaluar.

Kjo luhatje në kursin e këmbimit ndikon direkt negativisht në disa sektorë të rëndësishëm siç janë depozituesit dhe eksportuesit që sjellin më pak të ardhura në vend, sesa nxjerrin për shkak të zhvlerësimit. Ndërkohë që përfitojnë ata që kanë marrë kredi në euro pasi paguajnë një kredi të zhvlerësuar.

Për ekspertët kjo luhatje shkaktohet si pasojë e sezonalitetit dhe prurjeve të mëdha në valutë, por ndikim jo të vogël ka edhe informaliteti.  Pak ditë më parë ekspertja për ekonominë Elona Shehu tha se duhet një kontroll i detajuar në zyrat e këmbimit valutor, pasi ato kanë hapësira për evazion fiskal.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40