POP 5

Lajmet më të lexuara të 5 minutave të fundit

Sociale

Lajme nga emisionet

Si të mbrohemi nga lëkundjet e tërmetit, eksperti në Ministrinë e Brendshme në Report TV: Ja si duhet të veprojmë, lëvizja veprimi më i gabuar (VIDEO)

Drejtori i Trajnimit dhe Mbështetjes Logjistike në Ministrinë e Brendshme, Arben Cara ka folur për Report Tv në lidhje me rreziqet nga tërmetet dhe disa këshilla se si mund të veprojmë kur ndjejmë lëkundje tërmeti apo çfarë duhet bërë pasi tërmeti ka përfunduar. 

Drejtori i Trajnimit dhe Mbështetjes Logjistike në Ministrinë e Brendshme, Arben Cara ka folur për Report Tv në lidhje me rreziqet nga tërmetet dhe disa këshilla se si mund të veprojmë kur ndjejmë lëkundje tërmeti apo çfarë duhet bërë pasi tërmeti ka përfunduar.

Ai thotë se në asnjë mënyrë nuk duhet të jemi afër abazhurëve apo sendeve që bien nga forca e gravitetit dhe lëkundjeve të Tokës e nga ana tjetër e konsideron akoma më problematike faktin që njerëzit pas tërmetit shkojnë në lokal dhe pinë kafe. Sipas tij, lëvizja gjatë kohës që po ndodh tërmeti mund të çoj në fatalitet.

“Duhet te jemi larg abazhurëve apo objekteve e rënda në mënyrë që mos na bien në kokë. Lëvizja gjatë tërmetit është gjëja më e gabuar dhe nuk duhet ta bëjmë. Lëvizja është e gabuar kur vetë Toka po lëviz dhe mund të shkaktohen probleme e të lëndosh gjymtyrë”, tha Arben Cara.

Përsa i përket këshillave për pas tërmetit, ai ka thënë se duhet të jemi shumë të vëmendshëm të marrim masa për pakot e emergjencës, të cilat janë ushqime të përgatitura për të qëndruar 72 orë dhe të heqim nga priza çdo pajisje elektrike që kemi në shtëpi.

“Së pari, shikoj që qytetarët kur dalin nga banesa futen në lokal dhe porosisin kafe. Harrojnë që janë të rrezikuar pasi kafja është poshtë pallatit. Duhet të rrimë në vende të hapura. Nuk është kjo gjëja e parë që duhet të bëjmë pasi tërmeti ka përfunduar. Pasi të qetësohemi, duhet të kujdesemi të përgatisim një pako emergjente me ushqim, i cili reziston deri në 72 orë, kjo pasi tërmeti mund të shoqërohet nga pasgoditje dhe mund të na duhet të qëndrojmë jashtë për një kohë të gjatë. Më pas, duhet të heqim nga priza të gjitha pajisjet elektrike dhe të mbyllim rubinetin, për të minimizuar rastet e zjarrit dhe përmbytjes së banesës”, përfundoi drejtori i Trajnimit dhe Mbështetjes Logjistike në Ministrinë e Brendshme, Arben Cara Cara.

Këto këshilla u dhanë në Report Tv dy ditë pas tërmetit të nodhur në vendin tonë, me qëllim informimin e publikut për veprimet e duhura që duhet të ndërmarrë në raste të tjera të njëjta.

F.D//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça