Letra e Biden-it për Vuçiç/ Reagon Hoti: Dëshmi për lidhjen e veçante midis SHBA-së dhe Kosovës, marrëveshja e 4 shtatorit, vetëm fillimi i një etape të re

Letra e Biden-it për Vuçiç/ Reagon Hoti: Dëshmi për lidhjen e veçante midis SHBA-së dhe Kosovës, marrëveshja e 4 shtatorit, vetëm fillimi i një etape të re

Avdullah Hoti dhe Joe Biden

Kryeministri në detyrë i Kosovës, Avdullah Hoti ka reaguar lidhur me letrën e presidentit të SHBA-së, Joe Biden për Aleksandër Vuçiç.

Përmes një postimi në rrjetin e tij social Facebook, Hoti shkruan se nga Shtëpia e Bardhë vazhdojnë të vijnë vetëm lajme të mira për Kosovën dhe se SHBA-ja është aleati më fuqiplotë i Kosovës.

“Letra e Presidentit Biden, dërguar Presidentit të Serbisë për njohjen e Kosovës, është edhe një dëshmi për lidhjen e veçante midis dy vendeve, miqësinë e përjetshme për të cilën fliste presidenti Rugova, sa herë që thoshte se shtëpia nuk mbahet pa miq.”, shprehet Hoti.

Kryeministri në detyrë i Kosovës, është shprehur se 4 shtatori i vitit 2020, ishte vetëm fillimi i një etape të re partneriteti strategjik që SHBA ka me Kosovën.

Ai në fund ka falënderuar presidentin e SHBA-së, Biden.

 


Lajmi kryesor:

Biden: Njihni pavarësinë e Kosovës! Përgjigjet Vuçiç: Unë e kam thënë se çfarë mendoj për njohjen dhe mendimi im nuk ka ndryshuar


J.GJ./Shqiptarja.com
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Interi beson te Inzaghi, rinovon deri në vitin 2027

Interi beson te Inzaghi, rinovon deri në vitin 2027