SERBI- Presidenti i SHBA-së, Joe Biden përmes një letre i ka kërkuar zyrtarisht presidentit të Serbisë, Aleksander Vuçiç, të njohë Kosovën si një shtet sovran dhe të pavarur.
Lidhur me këtë çështje ka reaguar presidenti, Aleksandër Vuçiç duke thënë se ai e ka shprehur mendimin e tij lidhur me njohjen reciproke dhe se ai nuk ka ndryshuar.
Mëngjesin e sotëm, në mediat serbe është publikuar letra përmes së cilës Biden i uron Vuçiç, ditën kombëtare të Shtetësisë së Serbisë më 15 shkurt si dhe i kërkon arritjen e një marrëveshjeje gjithëpërfshirëse Kosovë-Serbi, që do të përqendrohet të njohja reciproke. Ai në letër ka theksuar se SHBA-ja ka mbështetur dhe do të vazhdojë të mbështesë Serbinë, në rrugëtimin e saj drejt BE-së.
“Ne mbetemi të qëndrueshëm në mbështetjen tonë për qëllimin e Serbisë ne lidhje me integrimin e saj në Bashkimin Evropian dhe ju inkurajojmë që të vazhdoni të bëni hapa përpara për të arritur këtë qëllim, duke përfshirë krijimin e reformave të nevojshme dhe arritjen e një marrëveshje gjithëpërfshirëse të normalizimit të njohjes reciproke mes dy vendeve.”, shkruan Biden në letër.
Letra e Biden për Vuçiç
Ai shtoi gjithashtu se e vlerëson shumë bashkëpunimin mes SHBA-së dhe Serbisë në këto kohë të vështira të COVID-19. Presidenti i Serbisë, Aleksander Vuçiç ende nuk ka deklaruar asgjë lidhur me këtë letër të presidentit Joe Biden.
Përpjekjet e ndërkombëtarëve për njohjen reciproke mes Kosovës dhe Serbisë kanë qenë të shumta por ende nuk është arritur një gjë e tillë. Më 4 shtator 2020, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Ndërkohë që kjo është hera e parë që presidenti i ri i SHBA-së Joe Biden ka bërë një kërkesë zyrtare lidhur me këtë çështje.
Letra ka bërë bujë në mediat serbe, duke e konsideruar veprimin e presidentit të SHBA-së si një skandal!
Kryeministri në detyrë i Kosovës, Avdullah Hoti ka reaguar lidhur me letrën e presidentit të SHBA-së, Joe Biden për Aleksandër Vuçiç.
Përmes një postimi në rrjetin e tij social Facebook, Hoti shkruan se nga Shtëpia e Bardhë vazhdojnë të vijnë vetëm lajme të mira për Kosovën dhe se SHBA-ja është aleati më fuqiplotë i Kosovës.
“Letra e Presidentit Biden, dërguar Presidentit të Serbisë për njohjen e Kosovës, është edhe një dëshmi për lidhjen e veçante midis dy vendeve, miqësinë e përjetshme për të cilën fliste presidenti Rugova, sa herë që thoshte se shtëpia nuk mbahet pa miq.”, shprehet Hoti.
Kryeministri në detyrë i Kosovës, është shprehur se 4 shtatori i vitit 2020, ishte vetëm fillimi i një etape të re partneriteti strategjik që SHBA ka me Kosovën.
Ai në fund ka falënderuar presidentin e SHBA-së, Biden.
Aleksandër Vuçiç ka reaguar lidhur me letrën që i ka dërguar Presidenti i SHBA-së Joe Biden për njohjen e Kosovës nga Serbia
Ai ka thënë se njohja reciproke nuk figuron në asnjë akt të një organizate botërore, dhe se tashmë ua ka thënë një herë në fytyrë se çfarë mendon për njohjen dhe se përgjigja e tij nuk do të jetë ndryshe.
“Kam marrë një mesazh urimi nga Presidenti Biden. Faleminderit për urimet. Ndërsa sa i përket njohjes reciproke, kjo nuk figuron në asnjë akt të ndonjë organizate botërore. Ne e kuptojmë se kjo është një politikë e re amerikane. Ka pasur përpjekje për të imponuar atë term si diçka që duhet ta pranojmë si zgjidhje përfundimtare në Uashington. Unë tashmë ua kam thënë një herë në fytyrë se çfarë mendoj për njohjen dhe përgjigja ime nuk do të jetë ndryshe”, ka thënë Vuçiç
Ai tha se detyra e tij është të mbrojë dhe mbrojë interesat e Republikës së Serbisë.
“Për ne është kjo një gjë shumë më e rëndësishme sesa dëshirat shqiptare dhe amerikane. Ne gjithashtu kemi dëshira, por edhe një realitet tjetër, dhe ne kemi një traditë liridashëse të popullit tonë. Kjo nuk është e këndshme sepse është e qartëse e gjithë iniciativa e politikës së jashtme amerikane do të shkojë në atë drejtim [arritjes së marrëveshjes Kosovë-Serbi”, deklaroi Vuçiç.
Lajme të tjera
-
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
VIDEO/ Plas grushti mes deputetëve në Parlamentin serb, Garda ndërhyn për t'i ndarë
25 Nëntor, 13:56 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
Kosovë/ Ministri i Financave akuzon Prokurorinë Speciale se po lufton Kurtin e motivuar politikisht
24 Nëntor, 17:21 -
Shkup/ Rikthehen mosmarrëveshjet për Ballkanin e Hapur
24 Nëntor, 17:00 -
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24
