Lëvizja e paparalajmëruar e Lulzim Bashës për të mbledhur Kuvendin e PD-së në 18 dhjetor ka zënë në befasi Sali Berishës dhe linjën e Foltores, duke u goditur planin për të krijuar dy parti, një të Foltores anti-amerikane dhe një të Lulzim Bashës pro-Perëndim.
-Së pari, vendimi i Bashës për të mbledhur Kuvendin e PD-së, zhvesh Sali Berishën nga alibia e tij kryesore, sipas të cilës Basha ka frikë që ta mbledhë Kuvendin, pasi ka humbur shumicën në parti dhe se i ka mbetur vetëm vula e kryetarit.
Sali Berisha shmangu rrugën statutore për të shkarkuar Lulzim Bashën me mocion mosbesimi në Këshillin Kombëtar, pikërisht për shkak të bindjes së nuk gëzonte shumicën në këtë forum të lartë të partisë.
Berisha zgjodhi një rrugë të gjatë, atë të mbledhjes së një Kuvendi paralel, jashtë parashikimit të statutit, me qëllim për të ndryshuar statutin e PD-së, për të parashikuar referendumin dhe për të shkarkuar më pas Bashën me referendum në bazë. Ai caktoi vetë datën e mbledhjes së Kuvendit, axhendën e mbledhjes si dhe depozitoi firmat tek Edi Paloka, të gjitha procedura këto të sajuara në kokën e tij, në kundërshtim flagrant me statutin. Sali Berisha synonte të mblidhte një Kuvend duke shmangur Partinë Demokratike zyrtare bashkë me Lulzim Bashën, për të marrë vendimet që do të propozonte vetë. E gjithë lëvizja ishte një puç kundër PD-së.
Disa ditë pasi Berisha mbylli firmat e delegatëve të pretenduar në kasafortën e Palokës, Lulzim Basha vendosi t’i dalë përballë Sali Berishës në Kuvendin e partisë, duke befasuar si në 9 shtator 2021, kur e largoi nga partia.
-Së dyti, lëvizja taktike e Lulzim Bashës për të mbledhur Kuvendin e PD-së në 18 dhjetor 2021, zhvesh Sali Berishën nga alibia e mbledhjes së Kuvend prej tij me rregulla të shpikura prej tij, pa asnjë referencë statutore. Sali Berisha duhet të marrë pjesë e Kuvendin legjitim të 18 dhjetorit, ndryshe Kuvendi i tij në 11 dhjetor do të ishte si dekreti i Presidentit Ilir Meta për të zhvillimin e zgjedhjeve lokale në 13 tetor 2019, dekret që u rrëzua nga Komisioni i Venecias si paligjshëm dhe arbitrar.
-Së treti, mbledhja e Kuvendit nga PD-ja zyrtare në 18 dhjetor, rrëzon axhendën personale të Sali Berishës për Kuvendin që kishte planifikuar në 11 dhjetor, duke shmangur strukturat e partitë që sipas statutit duhet të organizojnë mbledhjen e forumit më të rëndësishëm vendimmarrës të partisë. Basha ka propozuar sot një tjetër rend dite të Kuvendit, i ndryshëm nga rendi i shpallur nga Berisha për Kuvendin e tij.
-Së katërti, axhenda e propozuar nga Basha për Kuvendin e 18 dhjetorit parashikon miratimin e disa masave ndëshkuese për Foltoren si fenomen, duke vendosur sanksione për anëtarët që pozicionohen kundër interesave të Partisë Demokratike.
-Së pesti, mbledhja e Kuvendit nga Basha në 18 dhjetor, hedh poshtë procesin e mbledhjes së firmave nga Berisha për të thirrur Kuvendin në 11 dhjetor, firma të cilat janë veshur me një mjegull dyshimesh dhe misteri, që kur Berisha urdhëroi që të mbaheshin sekret.
-Së gjashti, mbledhja e Kuvendit të PD-së nga Basha në 18 dhjetor i heq Sali Berishës alibinë para mbështetësve të tij, për të vijuar zbatimin e skenarit politike për krijimin e një Partia Demokratike paralele, parashikuar për të marrë formë në Kuvendin e 11 dhjetorit, si një përgjigje ndaj Shteteve të Bashkuara të Amerikës, për shkak të vendimit për të shpallur non grata Berishën dhe familjen e tij për korrupsionin madhor, shantazh ndaj drejtësisë dhe minim të demokracisë.
Së shtati, mbledhja e Kuvendit nga Basha në 18 dhjetor i jep fund Foltores së Sali Berishës dhe çdo argumenti për të vijuar lëvizjen pirjet 18 dhjetorit. Kuvendi i 18 dhjetorit do të shënonte një përballje me votë mes Sali Berishës dhe Lulzim Bashës në parti. Në këtë Kuvend, Sali Berisha mund të imponojë planin e tij nëse siguron shumicën e votave të delegatëve, ndryshe duhet t’i bindet shumicës që mbështet Lulzim Bashën.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
Llogarite i ke te gabuara...uragani Berisha eshte ne levizje
PërgjigjuNa hapet barkun me kete hajdutin Lyl Basha. Berisha duhet te jete ne burg per mendimin tim per sa ka bere. Por edhe ky mashtruesi duhet t’i shkoje nga mbrapa. PD duhet te kete nje tjeter kryetar nese don te vazhdoje te jete parti e rendesishme
Përgjigju