Ish-deputeti Ervin Salianji do të zhvillojë ditën e nesërme një takim me demokratët tek Akademia e Arteve në Sheshin ‘Nënë Tereza’ në Tiranë.

Përmes një reagimi në rrjetet sociale, ku ka ndarë edhe një video nga takimet e mëparshme me demokratët, Salianji ka ftuar qytetarët që të bëhen pjesë e tubimit nesër në orën 18:00.

Me moton ‘Lëvizje për një PD Fituese’, Salianji po mbledh gjithmonë e më shumë demokratë, të cilët janë të pakënaqur nga udhëheqja e kësaj force politike nga Sali Berisha.

Edhe në takimet e zhvilluara më parë në qytete të ndryshme, Salianji ka arritur të mbledhë një numër të konsiderueshëm demokratësh, duke i mbushur sallat më shumë se vetë kryedemokrati Sali Berisha.

Kujtojmë se Salianji ishte pretendent për të garuar në ‘zgjedhjet’ e 23 majit për kryetar të PD-së, por pjesëmarrja e tij në garë u refuzua nga kupola drejtuese e kësaj force politike.

Reagimi i Salianjit:

Shihemi nesër tek Akademia e Arteve, Sheshi “Nënë Tereza” me lëvizjen për një PD FITUESE

E premte, 29 Maj

Ora 18:00

Akademia e Arteve, Sheshi “Nënë Tereza”

R.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Maj, 09:19

    Shqipëria nis mbylljen e kapitujve për anëtarësim, a do realizohet objektivi BE 2030?

Lajme të tjera