Kështu, zhvillime të reja kanë ndodhur në qarkun e Gjirkastrës e Beratit. Mësohet se nga qarku i Gjirokastrës ku anëtarja e kryesisë, deputetja Arta Dade, që në zgjedhjet e kaluara ka kryesuar listën në këtë qark. Në vend të saj është ngjitur anëtari i kryesisë Arben Ahmetaj.
Ndërkohë që pas lëvizjes nga Korça të sekretarit për rininë në PS Erjon Veliajn, është përcaktuar vendi i dytë në listën e kandidatëve në qarkun e Gjirokastrës. Kurse në vendin e tretë dhe të katërt do të jenë përkatësisht Anastas Angjeli dhe biznesmeni Vladimir Kosta. Ndërsa Dade pritet të jetë kandidate në qarkun e Tiranës.
Por dhe në Korçë kryesuesit e listës Majko dhe Fino do shfrytëzojnë dhe punën e mirë që ka bërë Veliaj deri më tani, ndërsa në Gjirokastër kandidatët e sipërpërmendur do të kenë në dizpozicion punën e shkëlqyer të deputetes Arta Dade, por dhe të deputetit Et’hem Ruka.
Ndërsa një lëvizje tjetër e fortë ndodh dhe në qarkun e Beratit, teksa deputeti Erion Braçe, anëtar i kryesisë e kryesues i listës në zgjedhjet e kaluara lëviz, me shumë gjasa drejt Tiranës, për t’i lënë vendin anëtarit të kryesisë Eduard Shalsi. Në këtë mënyrë me sa duket po konturohen gjithnjë e më shumë kandidatët për deputetë.
RAMA PRITET NË VLORË
Pikërisht dje, ditën që shkoi dhe shpalosi programin e opozitës për një Rilindje Shqiptare në qytetin bregdetar Vlorë, për shkak të lajmeve që qarkullonin në këtë qytet është pritur si lideri që do të kryesonte listën e kandidatëve për deputetë në këtë qark.
Pavarësisht se lajme të tilla janë mohuar kategorikisht, në Vlorë dëshirën për ta pasur Ramën në krye të listës së kandidatëve për deputetë e lidhin dhe me precedentët e mëparshëm, pasi ish-kreu i PS Fatos Nano pikërisht në këtë qark ka qënë deputet, po ashtu dhe Berisha nga viti 1992 që është deputet në Kavajë.
“Kush do të ishte ajo strukturë drejtuese e partisë në rreth që s’do të donte të kishte kryetarin e partisë në krye të listës së kandidatëve për deputetë. Çdo rreth do të ndjehej i nderuar dhe i respektuar nëse do të ndodhte një gjë e tillë. Por nuk është aurtoriteti im që ta diskutoj, apo që me bie radha të diskutoj këtë gjë.
Janë kryesia e partisë e kryetari që e diskutojnë”, tha kryetari i PS të rrethit të Vlorës, Xhevahir Çeloalij. Që ka thënë se nuk e dinte nëse është i vërtetë ky lajm, pavarësisht që do ishte një nder për Vlorën nëse ndodhte një gjë e tillë.
LISTA GJIROKASTËR
Arben Ahmetaj
Erjon Veliaj
Anastas Angjeli
Vladimir Kosta
Shkrimi u botua sot në gazetën Shqiptarja.com (print) 28.04.2013
Redaksi Online
(b.m/shqiptarja.com)
![](https://www.shqiptarja.com/template/img/sh_logo1.png)