‘Topi i 7 i Artë’ në karrierë për Lionel Messi-n ka ardhur me shumë polemika pavarësisht se historia e këtij futbollisti që këtë vit fitoi Kupën e Amerikës është thuajse e papërsëritshme. Përfaqësuesi i Shqipërisë në këtë votim, gazetari Besnik Dizdari, vlerësoi me pikët maksimale 6 Jorginho-n e Italisë, ndërsa me 4 Lionel Messi-n. Edhe Ermal Tahiri, ish-futbollisti i kombëtares shqiptare, për Report TV thotë se trofeu individual prestigjioz këtë vit nuk i takonte argjentinasit.
“Duke patur parasysh të gjithë ecurinë gjatë vitit, mendoj se Lewandowski e meritonte më shumë. Polaku nuk duhet të ishte vetëm sulmuesi i vitit, por edhe fituesi i ‘Topit të Artë’. Lewandowski ka bërë një kampionat shumë të mirë me Bayern-in ku u shpall kampion dhe doli golashënues i Europës,”-shprehet Ermal Tahiri, ish-futbollist i kombëtares.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)