Leximi i emrave në PD, Harxhi: E nxorën numrin e delegatëve 120%! Qesharake! Do jem nesër në Kuvendin e Berishës

TIRANË- Ish-kandidatja për kreun e Partisë Demokratike Edith Harxhi, ka komentuar sot në ‘Kontrast’ zhvillimet me të fundit në PD. Në emisionin “Kontrast” në Report TV, Harxhi tha se do të marrë pjesë në kuvendin e thirrur nga Sali Berisha, teksa zbuloi detaje.

“Unë nuk jam delegate, jam anëtare e thjeshtë e partisë dhe do të jem nesër natyrisht në Kuvend siç do të jenë edhe të tjerët e Grupit për PD. Besoj se njëri prej nesh do të ketë edhe një fjalim” – tha ajo.

Në panelin me gazetarët Lorenc Vangjeli dhe Denis Minga, Harxhi shtoi se leximi i emrave të delegatëve nga Gazment Bardhi është një veprim qesharak.

“Një mikeshë më shkruante si ka mundësi që ka dalë 120% numri i delegatëve me shifrat që kanë nxjerrë këta” – tha ajo.

Harxhi shtoi se i gjithë vendi ka nevojë për një drejtim të ri politik. Për rastin e Berishës ajo tha se PD ka nevojë për drejtimin e tij për një periudhë kohe.

“Unë mendoj që zoti Berisha është i vetmi që mund ta bashkojë Partinë Demokratike, si kryetar në drejtimin e saj për një periudhë kohe” – tha ajo.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg