Një makinë tip ‘Benz’ është përfshirë nga flakët në orët e para të mëngjesit të sotëm në Lezhë.

Menjëherë në vendngjarje kanë mbërritur shërbimet policore që kanë konstatuar se mjeti tip “Benz”, me targë AA066BI, në pronësi të shtetasit K.H., 28 vjeç, banues në Lagjen “Skënderbeg”, Lezhë, i parkuar pranë banesës së tij në parking dhe ka marrë flakë.

Nga veprimet paraprake të kryera dyshohet se zjarri ka rënë si pasojë e një shkëndije të sistemit të rrjetit elektrik. Për pasojë, ka vetëm dëme materiale në pjesën e përparme të mjetit.

Pritet ekspertiza për përcaktimin e shkakut të saktë, ndërsa grupi hetimor në bashkëpunim me Prokurorinë e Rrethit Gjyqësor Lezhë vazhdojnë veprimet hetimore për zbardhjen e plotë të ngjarjes.

makina lezhe
(Pamje nga makina e djegur)

d.c./shqiptarja.com