POP 5

Lajmet më të lexuara të 5 minutave të fundit

Sport

Armand Duka nuk ndalet, i merr të 8-a shoqatat rajonale të futbollit! Me Lezhën përmbyll procesin e trukimit të zgjedhjeve! Tani beteja në prokuroritë e rretheve

Shoqata rajonale e futbollit të Lezhës, që dyshohet se është ende e parregjistruar në gjykatë, ka zgjedhur sot delegatët që do të mbështesin Dukën më 2 mars. Deri më tani, falë shkeljeve të rënda kryesisht me numrin e anëtarëve në shoqata, federata shqiptare e futbollit ka siguar 29 nga 55 vota që janë gjithsej për presidentin aktual që udhëheq FSHF-në prej 20 vitesh.

Shoqata Rajonale e Futbollit në Lezhë ishte e fundit që përmbylli një proces të manipuluar zgjedhjesh për kryetarët dhe delegatët që do të votojnë në 2 mars për presidentin e ri të FSHF. Me dyshimet se është apo jo e regjistruar në gjykatë, Shoqata e Lezhës zgjodhi 3 delegatët, Kristjan Xhidodajn, Dario Palin dhe Leonard Preloshin, të cilët çuditërisht kanë propozuar Sulejman Starovën për president të FSHF-së.

Por kjo duket një tjetër manovër për të krijuar kundërshtarë të rremë për ‘perandorinë’ e Dukës. E enjtja është afati i fundit që anëtarët e klubeve e shoqatave të propozojnë kandidatët për president dhe për anëtarë të Komitetit Ekzekutiv në FSHF.

Armand Duka deri tani ka marrë tre propozime publike, të Korçës, Gjirokastrës e Shkodrës, ndërsa edhe Dritan Shakohoxha ka thënë në Report Tv se ka marrë 5 propozime për të garuar si president. Emri i ri që del në skenë për garën e 2 marsit është ai i trajnerit të njohur Suljeman Starova që propozohet nga Shoqata e Lezhës, por i duhen edhe 4 propozime të tjetra për të qenë kandidat zyrtar.

Gjithsesi paraprakisht me mbylljen e zgjedhjeve në tetë shoqatat rajonale të futbollit, Duka ka çimentuar  përmes presionit e mashtrimeve, mandatin e 6 në krye të FSHF-së me gati gjysmën e votave.

Mirëpo për shkak të shkeljeve të rënda, si shtimi i numrit të anëtarëve në asamble me urdhër të FSHF-së, apo mungesës së qëllimshme të informacionit, zgjedhjet në shumë shoqata rajonale të futbollit kanë shkuar në prokurori. Deri më tani rrugët ligjore i ka ndërmarrë Durrësi, Tirana, Gjirokastra dhe Shkodra. Pa harruar këtu kundërshtimet e forta të Fierit dhe Korçës, që pretendojnë se me urdhër të FSHF-së janë manipuluar anëtarët në shoqatat përkatëse, me qëllimin përfundimtar që më 2 mars të votojnë Armand Dukën.

 

Ne.k./I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46