LEZHE - Një 75 vjeçar humbi jetën në nj aksident rrugor teksa udhëtonte me biçikletë në aksin rrugor Lezhë Shkodër. I moshuari është përplasur nga një mjet në fshatin Mabë të Lezhës rreth orës 02:30 të ditës së sotme. Drejtuesi i mjetit është larguar nga vendngjarja.

Policia është lajmëruar për aksidentin në aksin Lezhë -Shkodër dhe me të mbërritur në vendngjarje ka gjetur të pajetë 75 vjeçarin Abaz Alia nga Shkodra. Pak metra më larg në cep të rrugës është gjetur edhe biçikleta me të cilën viktima po udhëtonte nga Lezha në drejtim të Shkodrës.


Nga këqyrja e vendit të ngjarjes është konstatuar se biçikleta është përplasur nga një automjet. Drejtuesi i mjetit është larguar nga vendi i ngjarjes duke lënë në moshuarit të vdesë ë asfalt. mësojmë se policia e Lezhës ka nisur hetimet për gjetjen e drejtuesit të mjetit që aksidentoi me vdekjen 75 vjeçarin në mesnatë.

(e.h/r.d/shqiptarja.com)