POP 5

Lajmet më të lexuara të 5 minutave të fundit

Speciale

Lezhë, famullia restauron kishën 700-vjeçare të Shënkollit

E dëmtuar nga regjimi monist dhe e harruar edhe gjatë pluralizmit, kisha e “Shën Kollit” pritet t’i nënshtrohet një restaurimi të plotë. Nisma është marrë nga famullia, e cila kërkon të ruajë vlerat historike të këtij objekti mbi 700-vjeçar.

E shembur në Janar të këtij viti, kisha shekullore e “Shën Kollit” në Zejmen të Lezhës pritet të kthehet në identitet.

Dikur me një arkitekturë dhe afreske të rralla rindërtimi për ripërtëritjen e këtij objekti kulti që i përket shek të XIII-të ka nisur nën kujdesin e famullisë së zonës dhe donacioneve private.

Për arkitektin Zef Çuni ndërhyrja po realizohet duke ruajtur arkitekturën ekzistuese të kishës, e cila ndër shekuj kishte pësuar pësuar dëmtime të shumta .

"Kjo kishë është e rëndësishme pasi I përket vitit 1300 së bashku me kishën e Pllanës, kishën e Rubikut dhe kishat e tjera. Çdo monument kulture ka vlerën e vet pasi tregon për historinë e vlerave tona, për mënyrën e jetesës", tha Zef Çuni.

Dom Pashk Ndoj, famullitari i Zejmenit tregon mbi vlerat historike të kishës, ndërsa fton ata këdo që mundet, të kontribuojë për restaurimin.

"Kisha e Shën Kollit ka një trashëgimi të lashtë të krishtere dhe historike. Për arsye të kohës është shembur, por me iniciativën time dhe mbështetjen e Dioqezës dhe dëshirën e disa banorëve të Zejmenit kemi shprehur dhe kemi marrë inciativën për ripërtëritjen e saj. Ftoj të gjithë ata qëkanë mundësi për të dhenë kontribut financiar për ripërtërijen e kësaj kishe", tha Dom Pashk Ndoj.

Objekt i rëndësisë së veçantë dhe pasuri e trashëgimisë kulturore, themelet e kishës së “Shën Kollit”  janë të hershme pasi datojnë mbi 700 vjet më pare. Prej më shumë se 30 vitesh ky momument kulture, ishte braktisur jo vetëm nga koha por dhe nga institucionet shtetërore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tentoi të vriste 47 vjeçarin në Fier, arrestohet pas 3 vitesh

Tentoi të vriste 47 vjeçarin në Fier, arrestohet pas 3 vitesh

24 Nëntor, 10:39