Lezhë, makina del nga rruga dhe përfundon në një tokë, 4 të plagosur, dy në gjendje të rëndë (VIDEO)

LEZHË- 4 persona mbeten të plagosur, 2 prej të cilëve në gjendje të rëndë, pasi automjeti me të cilin udhëtonin doli nga rruga dhe përfundoj në një parcele.

Aksidenti ndodhi në orët e para të mëngjesit të së mërkurës në superstradën Lezhë-Shkodër, në afërsi të fshatit Blinisht.

Katër personat të cilët udhëtonin në automjetin tip "Benz", u dërguan me urgjence për ndihmë mjekësore në Spitalin Rajonal të Lezhës dhe dy prej tyre ndodhen në gjendje më të rëndë për jetën si shkak i plagëve të marra në disa pjesë të trupit.

Policia rrugore e cila mbërriti menjëherë në vendin e ngjarjes nisi hetimet për zbardhjen e shkaqeve dhe rrethanave të këtij aksidenti, i cili është i treti që ndodh në harkun kohor të 24 orëve në rrugët e qarkut të Lezhës.

3 persona të tjerë mbetën të plagosur të martën në 2 aksidente të ndryshme që ndodhen në supertradën Lezhë-Laç.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit