Lezhë pa drita, shtylla hidhet në
erë, nxënësit bojkotojnë mësimin

LEZHE- Një shtyllë elektrike është hedhur në erë në fshatin Tresh. Tritoli dyshohet se është hedhur nga banorët në shenjë proteste ndaj banorëve. Korrespondeti i Tv A1 Report informon se banorët e këtij fshati prej 30 ditësh vuajnë mungesën e energjisë elektrike.

Ndërkohë që edhe në fshatin Manati të komunës Kolsh po në Lezhë banorët kanë protestuar kundër mungesës së energjisë elektrike, duke mos dërguar fëmijët në shkollë. Mësimi në shkollën 9 vjeçare në këtë fshat është bojkotuar tërësisht nga nxënësit, pasi prindërit nuk pranojnë që fëmijët e tyre të vijojnë shkollen në këto kushte. Banoret kane deklaruar se një nga një do te mbyllin të gjitha institucionet deri në rikthimin e energjisë për familjet që kanë paguar rregullisht faturat, duke shtuar se do të ketë një tjetër përshkallëzim të protestës në ditët në vazhdim

Prej 6 javësh CEZ ka ndërprerë energjinë elektrike në mënyrë kolektive për fshatin Manati, duke sjellë indinjatën e banorëve. Megjithëse kërkojne rikthimin e energjisë për ato familje që kanë paguar rregullisht faturat, kompania shpërndarese CEZ nuk ka dhënë asnjë zgjidhje duke e lënë situatën të përkeqsohet. E njëjta situatë është edhe në komunen e Zejmenit, të cilët priten që të rifillojnë sërish protestat ditën e nesërme.

(sg/shqiptarja.com)