POP 5

Lajmet më të lexuara të 5 minutave të fundit

Sociale

Lezhë, përkujtohet 321 vjetori i Kuvendit të Arbërit! Dom Nik Ukgjini: Pati rëndësi të jashtëzakonshme për arsimin, kundër asimilimit të gjuhës shqipe

15 Janari shënon 321 vjetorin e Kuvendit të Arbrit një nga ngjarjet më të rëndësishme historike të qëndresës dhe kulturës shqiptare. Bashkia dhe Dioqeza e Lezhës organizuan një përkujtimore në kishën ku është zhvilluar Kuvendi, sot monument kulture.

Lezha solli në kujtese 321-vjetorin e Kuvendit të Arbrit, një nga ngjarjet më të rëndësishme pas Besëlidhjes së Gjergj Kastriotit. Në kishën e restauruar në fshatin Mërqi u organizua veprimtaria përkujtimore ku morën pjesë historianë, autoritetet lokale, përfaqësues të klerit katolik dhe banor të zonës. Përfaqësuesi i dioqezës së Lezhës dhe autoritete lokale vlerësuan rëndësinë e Kuvendit të Arbrit, i cili mori një sërë vendimesh të rëndësishme për kombin.

“Kuvendi kishtar i Arbrit, nën drejtimin e Imzot Vinçenc Zmajeviqit dhe me pjesëmarrjen e ipeshkvinjve nga gjithë trevat shqiptare ishte me rëndësi të jashtëzakonshme për arsimin. Kishte nevojë për unitet, kur kishte marrë hov perandoria osmane dhe po asimilohej gjuha shqipe”, tha studiuesi Dom Nik Ukgjini.

Kuvendi Kishtar i Arbrit ishte një mbledhje e klerit katolik shqiptar, mbajtur më 14-15 janar 1703 në Kishën e Shën Gjon Kryepremit me përkrahjen e Papës me prejardhje shqiptare Klementi XI. Ndër vendimet kryesore ishin hapja e shkollave dhe botimet ne gjuhën shqipe, të cilat u zbatuan përgjatë shekujve të XVIII dhe XIX.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkëlqesia juaj:: 15/01/2024 18:24

    E pra,kjo duhet me patjetër të jetë një Festë mbarëKombëtare e Arbnoreve!!!

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51