Lezhë, përshtatën lokalin për prostitucion, shisnin dhe kokainë, arrestohet pronari e 5 të tjerë, 1 në kërkim

Gjashtë persona janë vendosur në pranga ndërsa një tjetër është shpallur në kërkim pasi kishin përshtatur një ambient (lokal) për prostitucion dhe shitje të të lëndëve narkotike.

Të arrestuarit janë identifikuar si:

Krenar (Bashkim) Lika (pronari i lokalit) 46 vjeç, banues në Malbardhe, Kurbin,  për veprat penale “Mbajtja e lokaleve për prostitucion”, “Shfrytëzimi i prostitucionit” dhe “Prodhimi dhe shitja e narkotikëve”;  

Blerina Leti 42 vjeçe, banuese në Bulqizë, për veprën penale "Prostitucioni";

Ahmet Rizvani 32 vjeç, banues në Tiranë, për veprën penale “Prodhimi dhe shitja e narkotikëve”, kryer në bashkëpunim;

Alketa Volaj 37 vjeçe, banuese në Lezhë, Vjollca Haka 30 vjeçe, banuese në Prishtinë dhe Klaudia Oshafi 20 vjeçe, banuese ne Laç, për veprën penale “Moskallëzimi i krimit". 

U shpall në kërkim dhe vijon puna për kapjen e shtetasit K. K., 23 vjeç, banues në Kurbin, për veprën penale “Prodhimi dhe shtija e narkotikëve”, kryer në bashkëpunim.

Në cilësinë e provës materiale u sekuestruan doza të lëndëve narkotike kokainë dhe heroinë, 8000 euro, 9 aparate telefoni, dhe një automjet.

Operacioni u kodua “Fazani”.

Vijojnë hetimet për dokumentimin e plotë të këtyre veprimtarive kriminale.

Materialet procedurale i kaluan Prokurorisë, për veprime të mëtejshme.

Xh.K/Shqiptarja.com

TAG:
• Vjollca Haka
• prostituion
• Klaudia Oshafi
• Alketa Volaj
• Ahmet Rizvani
• Blerina Leti
• Krenar Bashkim Lika
• Lezhe