POP 5

Lajmet më të lexuara të 5 minutave të fundit

Kultura

Lezhë/ Prezantohen veshjet tradicionale të 5 krahinave, kryebashkiaku Ndreu: Mundësi për promovimin e vlerave të trashëgimisë kulturore

Veshjet tradicionale të 5 krahinave mes tyre ajo e Zadrimës, Mirditës dhe  Kallmetit u prezantuan në Ditën e Trashëgimisë Kulturore në Lezhë. Kostumografia e zonës dhe vallet tradicionale u bënë bashkë në një atmosferë festive në Memorialin e Gjergj Kastriotit në Lezhë.

Kultura etnografike dhe trashëgimia artizanale e qytetit historik verior u prezantua përmes 5 veshjeve të ndryshme të krahinave të Lezhës, në Ditën Ndërkombëtare të Trashëgimisë Kulturore. Kostumografia e zonës së Zadrimës, Mirditës, Kallmetit dhe atmosfera e valleve tradicionale të Lezhës u bënë bashkë në një event të veçantë organizuar në Memorialin e Gjergj Kastriotit në Lezhë.

Për përgjegjësin e trashëgimisë kulturore Paulin Zefi, Lezha është bartëse e një trashëgimie të pasur tradicionale dhe këtë e tregojnë edhe pasuria e elementëve etnografikë të veshjeve popullore .

“Lezha ka një pasuri shumë të madhe jo vetëm trashëgimi kulturore por edhe trashëgimi shpirtërore. Këtu kemi 5 veshjet kryesore tradicionale të Lezhës. Ka peshën e vetë. Kemi Kallmetin, i cili është një fshat në skaj, që ka peshën e vet karakteristike me një veshje të veçantë, pasi nuk ka elementë fetarë por ka element të antikitetit ilir”, shprehet Zefi.

Pjerin Ndreu Kryebashkiaku i Lezhës tha se aktivitete të tilla janë një mundësi e mirë për ruajtjen e traditës dhe promovimin e vlerave të trashëgimisë kulturore kombëtare.

“Lezha është një kombinacion i disa aktiviteteve i një trashëgimie kulturore shumë të pasur që në fakt Bashkia Lezhë është munduar të evindetojë sa herë është mundësia duke shkuar në të gjitha trevat, duke treguar se çfarë trashëgimie të pasur ka Lezha”, thotë Ndreu.

Të pranishem në event ishin dhe një grup studentesh të Historisë, të cilët u njohën me traditat dhe objektet e trashëgimisë së zonës së  Zadrimë, Mirditë, Kallmet, Pllanës dhe Malësisë.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi