POP 5

Lajmet më të lexuara të 5 minutave të fundit

Kultura

'Libri ukrainas' në Bibliotekën tonë, Misha i përgjigjet iniciativës së Olena Zelenskas, Shkurov: Rusia e shkatërron, ju solidarizoheni! Mirënjohje

Në Bibliotekën Kombëtare “Libri Ukrainas” ka tanimë këndin e vet. Drejtori Misha, mirëpriti nismën e zonjës së parë ukrainase për të krijuar raftin e librit ukrainas në vendet e tjera. Ndërsa ambasadori Volodymyr Shkurov, shprehu mirënjohjen për solidarizimin e Shqipërisë në këto kohë të vështira për Ukrainën.

Në sallën “Paolo Petta” të Bibliotekës Kombëtare, Libri Ukrainas tanimë ka këndin e tij...

“Ky është libri “Ukrainë, të dua” dhe do të më pëlqente që këtë libër t’ia dhuroja drejtorit të Bibliotekës Shqiptare me shënimin “Shqipëri të dua””, shprehet ambasadori i Ukrainës në Tiranë, Volodymyr Shkurov.

Drejtori i Bibliotekës Pirro Misha i përgjigjet iniciativës së zonjës së parë ukrainase, Olena Zelenska, që nxit shkëmbimin kulturor mes vendeve përmes projektit “Rafti i Librit Ukrainas”

“Historitë tona janë padyshim mjaft të ndryshme po ne shqiptarët e kuptojmë mjaft mirë se çdo të thotë kur një popull lufton për të mbrojtur identitetin e tij kombëtar, kulturën e tij kombëtare. Uroj ashtu si gjithë shqiptarët që kjo luftë të mbarojë sa më shpejt dhe që populli i Ukrainës të dalë fitimtarë prej saj”, shprehet drejtori i Bibliotekës Kombëtare, studiuesi Piro Misha.

 Ambasadori ukrainas shpreh mirënjohjen për solidarizimin, në këtë periudhë kritike për vendin  e tij.

“Kemi qenë gjithnjë  shumë të impresionuar për faktin se sa lexon populli shqiptar e tani shpresojmë që edhe ukrainasit që jetojnë këtu të vijnë edhe të lexojnë librat në anglisht Në një kohë që Rusia po shkatërron bibliotekat ukrainase, librin ukrainas , ju ndërmorët këtë akt simbolik duke na treguar mbështetjen për kulturën tonë shpirtërore dhe kulturën tonë.  Mikpritja e kësaj iniciative forcon njohjen e kulturës sonë si dhe lidhjen mes shqiptarëve e ukrainasve”, shton më tej ambasadori.

Në fondin e dhuruar Bibliotekës ka botime në gjuhën ukrainase si dhe  në anglisht e përmes tyre historia e kultura ukrainase vjen më e plotë.

“Kemi pasur përkthime jo të pakta ndër vite nga letërsia ukrainase. Mjafton të kujtojmë popullaritetin që pati një shkrimtar si Nikolai Gogol, rrënjët e të cilit ishin pikërisht nga Ukraina, apo reportazhet nga Ukraina të shkrimtarit tonë të madh Mitrush Kuteli, që gjatë Luftës së Dytë Botërore ishte si ushtar pikërisht në territorin e Ukrainës”, shprehet Misha.

Të tjerë botime do t’i shtohen këndit në vijim, ndërsa Bibliotekës më shumë lexues nga Ukraina.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni potestat e dhunshme të Rithemelimit tek Bashkia?

Lajme të tjera



×

Lajmi i fundit

Emir Kurtishi: A do të ketë Maqedonia e Veriut, për herë të parë, kryetar të republikës, grua?!

Emir Kurtishi: A do të ketë Maqedonia e Veriut, për herë të parë, kryetar të republikës, grua?!

28 Prill, 14:21 nga Emir Kurtishi