POP 5

Lajmet më të lexuara të 5 minutave të fundit

Kosova & Rajoni

Liderët e BE urojnë pavarësinë e Kosovës: Normalizimi i dialogut me Serbinë i rëndësishëm

Liderët e BE urojnë pavarësinë e Kosovës: Normalizimi i dialogut me Serbinë i rëndësishëm

Në 13 vjetorin e pavarësisë së Kosovës liderët e BE kanë dërguar urimet e tyre ku në fokus të të gjitha kërkohet normalizimi i marrëdhënieve me Serbinë, që për ta është detyrë e qeverisë së re që sapo ka dalë nga zgjedhjet e 14 shkurtit.

Presidentja në detyrë, Vjosa Osmani ka pranuar letër urimi për 13-vjetorin e pavarësisë së Kosovës nga presidenti gjerman Frank- Ëalter Steinmeier, presidenti francez Emmanuel Macron dhe ai italian Sergio Mattarella.

Presidenti gjerman Steinmeier, në telegram ka theksuar progresin e Kosovës në procesin e integrimit evropian.

“Reformat vendimtare dhe të qëndrueshme për forcimin dhe sundimin e ligjit, si dhe normalizimi i marrëdhënieve me Serbinë, edhe më tej janë qenësore për ta vazhduar këtë rrugë. Rifillimi i dialogut vitin e kaluar me ndërmjetësimin e BE-së, ishte një hap i rëndësishëm”, thuhet në telegramin e presidentit gjerman.

Edhe homologu i tij francez, presidenti Macron, duke uruar popullin e Kosovës për ditën e pavarësisë, ka potencuar rëndësinë e rifillimit të dialogut me Serbinë.

“Unë do të doja të përshëndesja angazhimin e Kosovës në dialogun me Serbinë që nga rifillimi i tij, pas takimit të nivelit të lartë, të cilin kancelarja Merkel dhe unë e mbajtëm më 10 korrik 2020. Unë mbështes plotësisht ndërmjetësimin e Bashkimit Evropian dhe përfaqësuesit të posaçëm për dialogun, z.Miroslav Lajçak, me synimin për të arritur një marrëveshje gjithëpërfshirëse përfundimtare dhe ligjërisht të detyrueshme”, thuhet në telegramin e presidentit Macron.

Ndërkaq presidenti italian Mattarella, gjithashtu ka përgëzuar popullin e Kosovës në 13-vjetorin e pavarësisë, duke potencuar mbështetjen për procesin e dialogut me Beogradin.

Letra e urimit nga presidenti Italian

Letra e urimit nga presidenti gjerman


Lajmi kryesor:

Bideni uron pavarësinë e Kosovës: Mezi pres të punoj me qeverinë e re dhe të bëhet njohja reciproke me Serbinë
I.K/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01