POP 5

Lajmet më të lexuara të 5 minutave të fundit

Politikë

Lidhjet me Sigurimin/ Sula: Kandidatët të vetëdeklarohen! Certifikata e pastërtisë, kriter për garën elektorale

Në ndryshimet e kodit zgjedhor duhet të përfshihet edhe vetëdeklarimi nga ana e kandidatëve për lodhjet me ish-sigurimin e shtetit. Ky ka qenë propozimi që bëri kryetarja e autoritetit të dosjeve në komisionin e ligjeve për kandidatët për deputetët apo për kryetarë bashkie.

Veç formularit të dekriminalizimit, kandidatët për deputetë apo kryetarë bashkie duhet të plotësojnë edhe një tjetër formular, të vetëdeklarojnë nëse kanë patur apo jo lidhje me ish-sigurimin e shtetit.

Verifikimi i pastërtisë së figurës për kandidatët, kryetarja e Autoritetit të Dosjeve, Gentiana Sula, propozon që të jetë kriter dhe të reflektohet në ndryshimet e kodit zgjedhor për të cilat palët janë ulur tashmë në tryezë.

Lënia në vullnetin e lirë të partive apo kandidatëve, sipas saj nuk ka prodhuar rezultat.

‘Me ndryshimet në kodin zgjedhor, duhet të mundësohet vetëdeklarimi i kandidatëve për lidhjet me sigurimin e shtetit sepse nuk po ndodh.

Ndonjë parti e vogël ka sjellë verifikim, por partitë kryesore jo. Të bëhet për të gjithë për çdo kandidat. Dhe partitë pastaj e dinë vetë cilin kandidat vendosin. Transparenca të garantohet’, thotë Gentiana Sula, kryetarja e Autoritetit të Dosjeve.

Në tryezën e reformës zgjedhore, Autoriteti i të Dosjeve e ka dorëzuar një propozim konkret që ndër të tjera u ngarkon kandidatëve përgjegjësinë e deklarimit të rremë, ashtu siç ndodh në rastin e dekriminalizimit që humbasin mandatin e fituar në zgjedhje.

 ‘I jemi drejtuar bashkëkryetarit të reformës zgjedhore, por edhe kuvendit me alternativa. Kemi që nga viti 2018 që as partitë nuk na sjellin kandidatët e tyre për verifikim, por as kandidatët nuk vijnë vetë.

Alternativa e parë është që kur të regjistrohen partitë politike në zgjedhje, 70 ditë para të sjellin kandidatët e tyre potencialë për ti verifikuar.

Alternativa e dytë që 50 ditë para zgjedhjeve kur regjistrohen kandidatët për deputetë mund ti verifikojmë në atë moment.

Dhe alternativa më e mirë dhe më e pranueshme është vetëdeklarimi i kandidatëve që të përfshihet në kodin zgjedhor’, shprehet Skënder Vrioni, anëtar i Bordit të Autoritetit të Dosjeve.

Edhe pse pas miratimit të ndryshimeve ligjore 1 vit më parë që shfuqizoi çertifikatat e pastërtisë të dhëna nga komisionet Mezini dhe Bezhani, Drejtuesja e Autoritetit të dosjeve e cila raportoi para komisionit të ligjeve, tha se në zgjedhjet vendore të 14 majit, verifikim për kandidatët kërkuan vetëm dy parti të vogla.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 22/05/2024 09:26

    Këto certifikatat kush i lëshon apo i që i ka lëshu ngahera!?

    Përgjigju
  • MALUKATI: 21/05/2024 19:11

    Me vetdeklarim te gjithe dalin te ndershem,te varfer,te shkolluar.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29