Liga e Kombeve luan sot përballjet e para, aty ku skuadrat vijnë me objektiva të ndryshme. Për fazën play-off, ose thënë ndryshe atë çerekfinale ku skuadrat do kërkojnë trofeun, në fushë zbresin 'big-ët' e Evropës.
Me fillim nga ora 20:45 luhet 'Klasikja' mes Italisë dhe Gjermanisë, apo edhe sfida Holandë - Spanjë. Kroacia pret në Split Francën, ndërsa Danimarka luan kundër Portugalisë.
Përballjet e sotme janë të rëndësishme pasi skuadrat do kërkojnë të shkojnë në ndeshjet e kthimit të tre ditëve më vonë me një avantazh, qoftë edhe minimal.
Nga ana tjetër ndeshjet luhen edhe për qëndrimin në ligë, apo ngjitjen më lart. Kosova pret Islandën në Prishtinë. Dardanët kërkojnë të kalojnë këtë rival në dy sfida (e kthimit më 23 mars në Murcia të Spanjës) për të qenë pjesë e Ligës B të Ligës së Kombeve në edicionin që vjen.
Liga e Kombeve, faza play-off:
E enjte, 20 mars 2025 - 20:45
Kroaci - Francë
Danimarkë - Portugali
Itali - Gjermani
Holandë - Spanjë
Faza e Ligës
20:45 Kosovë - Islandë
Rruga drejt finales
Italia dhe Gjermania do përballen në çerekfinalet e Ligës së Kombeve. Të kaltrit kanë marrë një lajm të keq pasi në dy përballjet kundër ‘Panzerave’ nuk do kenë të gatshëm golashënuesin e Atalantës, Mateo Retegui.
"Retegui largohet nga kampi stërvitor në ‘Appiano Gentile’. Sulmuesi, i cili iu nënshtrua testeve instrumentale mëngjesin e djeshëm për një tendosje muskulore në kofshën e djathtë, u vlerësua si i padisponueshëm për të dyja ndeshjet ndaj Gjermanisë dhe për këtë arsye është kthyer te klubi i tij", njoftoi federata.
Trajneri Luciano Spalletti nuk do të thërrasë askënd në vendin e tij tani për tani dhe duket se ka për qëllim të vërë bast për gjithçka te Moise Kean si qendërsulmues për sfidën e dyfishtë kundër kombëtares së Nagelsmann.
22 gola dhe 4 asiste ka realizuar këtë sezon Retegui në 27 ndeshjet e Serie A me Atalantën.
Italia dhe Gjermania përballen sot të stadiumin 'San Siro' në Milano për çerekfinalet e Ligës së Kombeve. Dueli merr jetë në orën 20:45 dhe të dyja skuadrat kërkojnë të shkojnë në ndeshjen e kthimit me avantazhin "në xhep".
E cilësuar si 'Klasikja' e Evropës, përballja mes tyre sjell emocione. Në prag të ndeshjes për mediet ka folur edhe trajneri i të kaltërve, Luciano Spalletti. Ai ka thënë se kjo ndeshje mbart një "magji" të veçantë.
"Taktika dhe sulmi - Duhet t’i bëjmë gjërat në mënyrën më logjike të mundshme, duhet të kemi pak ekuilibër. Nëse fus një mesfushor, ai ndihmon më shumë në fazën mbrojtëse. Nëse fus dikë si Raspadori apo Maldini, kemi më shumë shanse për të shënuar. Raspadori, për shembull, edhe pse është sulmues, mund të ndihmojë në mbrojtje, sepse është në formë të shkëlqyer.
Rivalët - Duke parë historinë e përballjeve dhe rezultatet e së kaluarës, kjo ndeshje ka një 'magji' të veçantë. Jam i bindur se do të jetë një ndeshje e bukur, që të dyja ekipet do të luajnë për ta fituar. Nëse nuk jemi të zotët në menaxhimin e disa momenteve të lojës, do ta kemi shumë të vështirë. Do të përpiqemi të luajmë lojën tonë, por do të duhet të përshtatemi edhe me cilësinë që ata do të tregojnë.
Mesfusha me Ricci-Rovella? Janë pak të ndryshëm, por të dy e dinë si të luajnë futboll. Ricci është më shumë si një mesfushor i avancuar, që futet në zonë. Rovella është më shumë një mesfushor mbrojtës, i cili nuk lëshon terren lehtë. Nuk do të them se kush do të luajë, është më mirë të presim orët e fundit para ndeshjes.
Botërori 2026 - Djemtë më duken të bindur për cilësitë e tyre, po përpiqen t’i shfaqin ato në fushë. Mendojnë shumë për atë që duhet të bëjnë, kjo është mënyra e duhur për t’u rritur. Nëse punon vazhdimisht në një drejtim për t’u përmirësuar, atëherë do të përmirësohesh me siguri.
Dëmtimet - Zaccagni dhe Cambiaso vështirë se do të jenë gati për ndeshjen e parë.
Federico Gatti - Po e shohim në kontekstin e dy ndeshjeve. Duke qenë se janë shumë afër me njëra-tjetrën, disa lojtarë mund të mos rikuperohen plotësisht. Ai është një mbrojtës shumë i fortë në mbrojtjen e vendosur, por po punon edhe për të kontribuar më shumë në ndërtimin e aksioneve.
Andrea Cambiaso - Fakti që është këtu dhe po punon çdo ditë tregon se sa shumë dëshiron të jetë pjesë e ekipit kombëtar.
Julian Nagelsmann - Është një trajner shumë i zoti, i dallueshëm si pjesë e trajnerëve modernë, që punojnë shumë në fushë. Gjermania është një kombëtare që ka evoluar në këto 10 vitet e fundit, nga një skuadër që mbështetej te fuqia fizike, në një skuadër me cilësi teknike dhe posedim të fortë të topit.
Për mungesat e Gjermanisë - Nuk ka mungesa që ndihen për një kombëtare si Gjermania. Ata kanë lojtarë të shumtë të nivelit të lartë.
Moise Kean - Do të jetë ai sulmuesi kryesor. Do të jetë një ndeshje e fortë, me ritëm të lartë, Kean është më i përshtatshmi për këtë lloj loje", tha Spalletti.
Italia humbi Mateo Reteguin në sulm, për shkak të një problemei fizik.
Komente
Lajme të tjera
-
Mediat serbe: Vuçiç po formon një aleancë si kundërpërgjigje ndaj asaj 'Kroaci-Shqipëri-Kosovë'! Ja me kë shtet po negocion
21 Mars, 22:24 -
Marrëveshja trepalëshe Kosovë-Shqipëri-Kroaci, Vjosa Osmani i përgjigjet Serbisë: Propagandë, burim destabiliteti në rajon
21 Mars, 13:43 -
Aleanca ushtarake Shqipëri-Kosovë-Kroaci/ Valon Arifi: Qeveria e Kurtit i dha mbështetje se nuk ka arritur asnjë sukses kohët e fundit
21 Mars, 12:27 -
A po formohet një aleancë ushtarake në Ballkan?
20 Mars, 18:37 -
Vuçiç thotë se Shqipëria dhe Kroacia kanë hapur "garë armësh" pas memorandumit me Kosovën
20 Mars, 18:35 -
A po formohet një aleancë ushtarake në Ballkan?
20 Mars, 13:22 -
Aleanca ushtarake Shqipëri-Kosovë-Koraci 'tremb' Vuçiçin! Kroacia: Iku koha kur pyesnim Beogradin! Vëngu: Serbia ikën nga tavolinat, s’mund të kërkojë llogari
20 Mars, 12:38
-
Kosova stërvitet në ‘Fadil Vokrri’, dy yjet e Dardanëve shqetësojnë trajnerin Foda
19 Mars, 16:10 -
Rama ndan historinë e emigrantit të kthyer nga Londra në vendlindje: U riktheva në Shkodër për të hapur një Akademi Futbolli të certifikuar nga UEFA
19 Mars, 15:09 -
Marrëveshja ushtarake tripalëshe/ Eksperti i Sigurisë: Me rëndësi strategjike, Kosova përfiton shumë, do krijojë lidhje të tjera
19 Mars, 12:37 -
Aleanca e mbrojtjes Shqipëri-Kosovë-Kroaci, reagon Serbia: Provokim! Kërkojmë shpjegime urgjente se përse u krijua pa konsultim me ne
18 Mars, 21:42 -
Çerekfinalet e Ligës së Kombeve, dy ndryshime në listën e Spanjës
18 Mars, 15:58
