'Ligjet' shtyjnë diskutimet për listat e hapura! Opozita parlamentare bojkoton mbledhjen: Të diskutojmë edhe propozimin e PD! Gjiknuri: Përfundojmë punën sot, konsultimi nesër në Këshill

Edhe deputeti Ralf Gjoni tha se nuk do të bëhet pjesë e asnjë maskarade dhe do të përkrahë të gjitha propozimet që vijnë për listat e hapura.

"Ne do i qëndrojmë deri në fund kërkesës tonë dhe mirë është që të përfshihet dhe dakordësia e atyre që janë jashtë, nuk kemi qenë asnjëherë kundër gjithëpërfshirës. Ashtu siç tha murrizi ne do jemi atje për çdo propozim që është për listat e hapura dhe nuk do të jemi pjesë e një maskarade", tha Gjoni

Kreu i grupit demokrat në Kuvend, Myslim Murrizi tha se opozita kërkoi kohë që të diskutoheshin të gjitha draftet dhe të mos nxitohej dhe për këtë u vendos edhe me konsensus të mazhorancës që mbledhja të shtyhej. Ai bëri edhe batuta se edhe nëse Bashkimi Sovjetik të sillte propozimin për listat e hapura do i dëgjonte dhe votonte dhe jo më atë të PD-së

"E gjithë opozita dhe faktorë të tjerë politikë më në fund po bien dakord në atë që ne kemi kërkuar  prej 9 muajsh në parlament për listat e hapura, ndaj për të bërë një gjë të pjekur dhe jo të nxitur, që të mos diskutohet brenda një ore të gjitha ndryshimet kërkuam kohë dhe u pranua nga mazhoranca. Është rënë dakord që të zhvillohet një mbledhje tjetër ndoshta sot apo nesër, për të diskutuar dhe draftin dhe amendamentin tonë dhe atë të Andi Përmetit. Edhe drafti i bashkimit sovjetik nëse do ishte për listat e hapura do isha dakord të dëgjohej dhe jo më ai i PD-së", tha Murrizi.

Opozita parlamentare vendosi bojkotimin e Komisionit të Ligjeve mëngjesin e sotëm. Në një deklaratë, ata thonë se në atë komision nuk ka vullnet pozitiv nga mazhoranca për të realizuar reformën zgjedhore.

Ata shprehen se nëse mazhoranca do të vijojë të sjellë drafte që sipas tyre synojnë mbylljen e listave, ata thonë se nuk do të bëhen pjesë.

Deklarata e plotë:

Vendosëm ta bojkotojmë seancen e sotme sepse nuk shohim vullnet pozitiv nga mazhoranca për të realizuar atë reformë madhore për të cilën gëzojmë sot mbështetjen e shumicës së shqiptarëve, pra hapjen reale dhe 100% të listave. Nëse mazhoranca do të vazhdojë në këtë rrugë, duke ardhur me drafte të cilat nuk synojnë hapjen e listave por mashtrimin e shqiptarëve, ne nuk do të bëhemi pjesë e kësaj loje të shëmtuar, le ta bëjnë vetë. E di që shumë qytetarë ndoshta edhe janë lodhur nga ky debat, dhe ky ndoshta është edhe qëllimi i kastës së vjetër politike, t'i lodhë qytetarët tej mase e më pas të bëjnë atë që kanë bërë gjithnjë, të gënjejnë, por kjo që po bëjmë është shume e rëndësishme jo per sot, por per 30 vitet e ardhshme. Na duhet qe ketij vendi ti rikthejme demokracine si nje mjet per te rritur mireqenien dhe zhvilluar ekonomine. Ne nuk dorezohemi.

Deputeti i opozitës, Myslim Murrizi kërkoi në mbledhjen e Komisionit të Ligjeve, që drafti i propozuar në janar ku ishin dhe emrat e tij dhe Halit Valterit të tërhiqeshin, pasi ai draft ishte dorëzuar para ndryshimeve kushtetuese, Murrizi kërkoi që në emër të tij të merrej parasysh vetëm drafti i shtatorit 2020. Murrizi tha se në atë draft ishte kërkuar sistem proporcional kombëtar dhe tashmë sipas tij ky sistem nuk qëndron dhe është i pamundur.

Ndërsa nga ana tjetër Ralf Gjoni tha se drafti i dorëzuar nga ai në janar me firmat e 50 mijë qytetarëve duhet të merret parasysh për diskutim.

Diskutimi te Komisioni i Ligjeve

Murrizi: Nisur nga ndryshimet kushtetuese të 30n korrikut unë së bashku me Valterin si propozues kërkoj që të tërhiqet drafti i propozuar në Janar, sepse ndryshimet kushtetuese. Hiqni propozimin tim dhe të Valterit në Janar, mbani atë në shtator 2020/

Manja: Jam plotësisht që projektligji është depozituar para ndryshimeve kushtetuese. Ju tërhiqeni nga ato nene që nuk kanë lidhje me ndryshimet kushtetuese. Nisma qendron, port ë shqyrtojmë nenet që . në nismën e Janarit janë propozuar ndryshimet në shumë nene të Kodit Zgjedhor.

Ralf Gjoni: Kam menduar thellë këtë punë dhe dëshiroj që të konfirmoj që unë i qëndroj deri në fund iniciativës të Janarit në respekt të 50 mijë firmave dhe atyre që kanë punuar në këtë draft, por edhe politikisht, duke pasur parasysh ndryshimet kushtetuese mendoj që ju nëse keni vullnet politik mund të ndryshoni sërish Kushtetutën, meqë keni thirrje dhe nga ambasadorët në Tiranë, mund ta çoni, ju jap mbështetjen time ta çoni në Këshillin Politik. Nëse doni ta hidhni me shumicë votash, në fund të fundit demokracia vota është.

Manja: Ne i kemi bashkuar dy nismat e Janarit në një kolonë të integruar. Në këto kushte në dakordësi të plotë edhe me relatorin Shameti do të jemi detyruar ti hedh në votim nen për nen

Shameti: Përpara të gjithë deputetëve është një draft i integruar, me pastrimin e nismës origjinale dua të sqaroj një detaj tjetër, janë dhe disa amendamente të propozuara nga unë, sepse nuk kanë të bëjnë me thelbin e secilës dispozitë.

Spartak Braho: Gjoni e hodhi vet poshtë propozimin se tha jam dakord me ndryshimet Kushtetuese. Ne duam të bëjmë rend dite tjetër të bëjmë shqyrtimin dhe të ikim