Nga data 3 prill 2024, të gjithë pensionistët, personat që marrin ndihmë ekonomike, përfituesit e pagesës së papunësisë, invalidët e punës, apo jetimët, do kenë mundësi të hapin një llogari pranë bankave të nivelit të dytë me kosto zero.
Ligji i miratuar në dhjetor të vitit të kaluar “Për Llogarinë e Pagesave me Shërbime Bazike”, parashikon që këto kategori të mund të kenë një llogari dhe të pajisen me një kartë bankare, përmes së cilës mund të tërheqin para, të bëjnë pagesa apo deri në 5 transferta bankare brenda vendit me tarifa zero. Kjo llogari do të jetë funksionale vetëm në monedhën vendase (lekë), dhe do të shërbejë edhe për të marrë pensionin apo ndihmën ekonomike që kategoritë përfituese marrin.
Pensionet pritet të kalojnë nga marrja dorazi në postë, përmes hedhjes direkte në llogarinë bankare. Por ende nuk ka një datë se kur do të ndodhë ky ndryshim pasi fillimisht duhet të bëhet një udhëzim i përbashkët midis disa institucioneve. (Ministria e Ekonomisë, ajo e Financave, Instituti i Sigurimeve Shoqërore, Posta dhe Banka e Shqipërisë). Kryeministri Edi Rama ju ka vënë ultimatum bankave, që nga ky vit të jetë bërë fakt që pensionistët ta tërhiqen pagesën mujore në bankë.
Sipas ligjit të ri të botuar në Fletoren Zyrtare, bankat tregtare në vend janë të detyruara të hapin llogarinë pa pagesë, por mund të refuzojnë vetëm kur rezulton se po shkelet ligji për parandalimin e pastrimit të parave dhe financimit të terrorizmit, apo në rastet kur konsumatori ka një llogari tjetër ekzistuese në një bankë tjetër në Shqipëri, e cila e lejon atë të përdorë shërbimet bazike.
Në rast të refuzimit të padrejtë, qytetarët mund të ankohen pranë Bankës së Shqipërisë, e cila mund të kërkojë nga bankat e nivelit të dytë, hapjen e kësaj llogarie brenda 15 ditëve pune (pa fundjavën).
Nëse ende banka nuk hap llogarinë, ligji parashikon gjoba nga 50-250 mijë lekë. Po ashtu bankat gjobiten edhe nëse kategorive të përfshira në skemën e tarifave zero për shërbimet bazike, i refuzohen transfertat apo i vendosen tarifa.
Një nga objektivat e këtij ligji ka të bëjë me rritjen e përfshirjes financiare të popullsisë, duke krijuar lehtësira për kategori konsumatorësh, të cilët e kanë të vështirë apo të pamundur hapjen dhe mbajtjen e një llogarie pagesash në banka, për shkak të kostove që ajo mbart. Por po ashtu shtimi i numrit të llogarive bankare, dhe përdorimi i kartave si mjet pagese, vlerësohet edhe si mundësi për të ulur përdorimin e parave cash.
(Kliko këtu për të lexuar dokumentin e plotë)
Komente
Lajme të tjera
-
Basha akuza kryeministrit: Rama flet si drejtor azili, po përçan qytetarët me sipërmarrësit! Nuk fsheh dot dështimet, pensionistët meritojnë më shumë!
30 Tetor, 15:40 -
Rama: Ulje çmimi të energjisë elektrike për pensionistët brenda vitit! Rrisim pensionet gradualisht gjatë mandatit të katërt
29 Tetor, 13:56 -
Protesta e PD në Strasburg, Kulluri ironizon: Një avokat i Berishës kushton sa pensioni i 1 mijë pensionistëve!
23 Tetor, 15:35 -
Me pankarta në duar, pensionistët protestojnë para Kryeministrisë: Më shkojnë 70 mijë lekë ilaçe, kërkoj pension 400 mijë lekë
23 Tetor, 10:18 -
Rama për skemën e pensioneve: Situata njësoj si me energjinë elektrike, gjysma paguan për gjysmën tjetër! Do ndërhyjmë fort, pagat joreale janë krim e vjedhje
21 Tetor, 12:09 -
Takimi i Ramës me pensionistët, Malaj: Po shqyrtojmë rritjen e bonusit të fundvitit, reformë në skemë! Gonxhe: 1/5-a e buxhetit shkon për to, 2-3 të punësuar për një pension
21 Tetor, 11:24 -
Lushnjë/ Gjurmonin dhe vidhnin pensionistët afër degëve postare, 'Shpërqendrimi' prangos 57-vjeçarin, në kërkim shoku! Zbardhet skema (EMRAT)
18 Tetor, 13:54 -
Indeksimi i pensioneve, të moshuarit për Report TV: Nuk është mjaftueshëm, s’na lehtëson! Ekspertja: Të ishte bërë që në pranverë
13 Tetor, 19:25 -
Sot Dita Ndërkombëtare e të Moshuarve, jetëgjatësia u rrit me 25 vite! Veliaj: Nga 1 Janari, pensionistët e Tiranës do udhëtojnë falas me autobus
1 Tetor, 17:27 -
Nis sot indeksimi, 791 mijë pensionistë marrin 4.1% më shumë
1 Tetor, 16:44 -
Nga 1 Janari, pensionistët do udhëtojnë falas në urban! Veliaj: Tabela dixhitale dhe në çdo stacion autobusi, çmimi i biletës nuk do rritet
22 Gusht, 14:02 -
Në tre muaj 328 mln euro të ardhura më shumë se shpenzimet, brenda vitit paketë e re mbështetjeje për shtresat në nevojë
1 Maj, 15:52
shyqyr se u torturuan pensionistet ne radhe ne kembe..
PërgjigjuKetu ku jetojme,prinderve ua kane vene prej vitesh pensionin ne banke,por ketu nuk e bejne per /te pakesuar parate ne cash/.S.d.q nena kur e perdor preferon te shkruaje cek ne vend te kartes.S.d.q e tere ideja qe duan te zbatojne ne Shqiperi eshte e parakohshme dhe e gabuar.Thone qe mund t'a perdorin karten (blerje,terheqje,pagesa,transfera) vetem 5 here brenda vendit pa fee,po pas kesaj sa do te jene tarifat? Nenes time i mban banka 3 $ per cdo tranzaksion qe kryen,po i leverdis pensionistit tone te lere 1-3$ ekuivalente ne leke pas atyre 5 hereve te lejueshme?!Dhe sa here jane ato 5 here, ne dite,jave,muaj?! Nuk po flasim tani per nivelin e aftesive e njohurive te pensionisteve tane si funksionon bankomati,pinnumber,etj,per te mos folur per vjedhjet magnetike te te dhenave te kartave.Se qeveritaret tane qe i propozojne keto idiotesira bredhin me makina,nuk dalin te bejne pazar duke ecur ne kembe,apo duke u shtypur ne autobuza si pensionistet.Nuk kane shans t'jua vjedhin kuleten,as t'jua hakerojne karten me aparat.
Përgjigjushqiptaret qe jetojn jasht si do tu behet marja e pensionit
PërgjigjuPo ne rastet kur pensionistet jane ne permbarim, cfare ndodh... Apo hajt ti marrim dhe pensionet. Ide brilante
PërgjigjuTi thuaj si do shkojne pensionistet ne bankomate dhe do futin karten, pinin jo po ngeci karta jo po etj etj. 1 ore per te mbaruar pune neper bankomate. Apo do bejne ndonje tender per te mesuar pensionistet 80 vjecsrw si te perdorin karten?
Hapja e llog pensione 10 mij lek i ulet 10perqind se nga fshati te banga duhen 1000lek transport
Un e kam te hapur no e Bankës edhe pse s'kam lek.si do funksionoj ,sa besueshmëri kan Bankat për pensionet ??un pensionin e Mar në Post si do funksionoj flm