Teatri/ Paralajmërimi i Bashës: Nëse i vini minat godinës, ne do t'jua vemë kullave tuaja

Tiranë- Në një bashkëbisedim me gazetarët në selinë blu, kryetari  i Partisë Demokratike, Lulzim Basha është ndalur sërish tek ligjin për Teatrin Kombëtar. Sipas Bashës, ky ligj është atentat ndaj lirive të qytetarëve, dhe iu bëri thirrje ndërkombëtarëve që të reagojnë për shembjen e godinës.

Basha akuzoi drejtpërdrejt kryeministrin Edi Rama se po realizon ëndrrën e tij 20-vjeçare me këtë projekt që Basha e etiketoi si "mafioz", pasi me këtë ligj po favorizon kompaninë private për afera korruptive. 

Basha ashpërsoi tonet kur tha se nëse mazhoranca socialiste kalon ligjin që i "vë minat" godinës së teatrit, atëherë opozita do t'i vendosë minat kullave që sipas kryedemokratit do ndërtohen në truallin e Teatrit. 

LEXO EDHE:
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës

Këta gjejnë çdo sebep të rremë për të çuar deri në fund aferën. PD e konsideron aferën si një atentat me pasoja fatale për liritë dhe pronën e qytetarëve shqiptarë. Popullit i lind e drejta të rezistojë me të gjitha format dhe mënyrat, jo për ta mbrojtur, por që fati i Teatrit të mos iu vijë në shtëpitë e tyre, në oborret e tyre. Çdo veprim i kompanisë private shpk dhe çdo entiteti tjetër do jetë subjekt i një ligji Antimafia. Nëse guxoni ti vini mina Teatrit Kombëtar do t’ja vëmë edhe kullave tuaja me ligj.

Në vendet demokratike, ligjet respektojnë 3 parime të përgjithshme: të sigurisë, barazisë dhe universalitetit. Kjo do të thotë që asnjë ligj s’mund të ndërtohet në mënyrë të atillë që trajton një instrument të veçantë, se na çon drejt arbitraritetit. KE, BE, OSBE, Komisioni i Venecias e vlerësojnë parimin e gjeneralitetit të ligjit, se s’mund të bësh ligj për një person të veçantë. Normat janë të përgjithshme. Shkelja e këtij parimi duhet të ishte këmbanë alarmi dhe unë habitem se si nuk kemi një reagim nga Këshilli i Europës. Por kemi një reagim nga një institucion i rëndësishëm i trashëgimive kulturore Europa Nostra.  Ajo e konsideron Teatrin pjesë e trashëgimisë kulturore europiane. Edi Rama dhe lakejtë e tij janë sulur për të shkulur kompleksin e Teatrin me të gjithë historinë e tij. Tentativa për këto kulla është marrë para 20 vitesh kur Edi Rama ishte ministër Kulture, se duhet t’i themi 18-vjeçarëve që Edi Rama ka 20 vite në politikë.  Nuk ka hequr dorë, dhe prej ditës së parë në karrigen e kryeministrit, ka hedhur hapat për realizimin e ëndrrës së tij. Është projekt mafioz se fiton para, do fitohen 205 milionë euro.

Lulzim Basha, Kryetari  i Partisë Demokratike

Më tej Basha tha se fotot që kanë dalë në media për rrënimin e godinës aktuale të Teatrit. Basha tha se janë policët e Bashkisë që hapin gropa për të “manipuluar” opinionin publik.

Atyre horrave të Policisë Bashkiake që çon për të hapur vrima në muret e vjetra dua t’i kujtoj kryetalibanit që qendrat e disa qytetareve evropiane u rrafshuan në luftën e dytë botërore dhe i ringritën për të mbajtur gjallë trashëgiminë kulturore. Popullit i lind e drejta të rezistojë me të gjitha format dhe mënyrat për të parandaluar që nesër fati i teatrit t’i vije te shtëpia e tyre, vendi i punës dhe liritë e tyre.

Lulzim Basha, Kryetari  i Partisë Demokratike

TAG:
• teatri kombetar
• lulzim basha
• OSBE
• afera korruptive

Sondazhi i ditës:

Pronat shtetërore mund të shkëmbehen me private, si e vlerësoni ligjin?

• Të drejtë

  32%

• Të gabuar

  57.7%

• Nuk e di

  10.3%

Vota total: 737

Votat totale janë unike

• Sondazhi i ditës:

  Pronat shtetërore mund të shkëmbehen me private, si e vlerësoni ligjin?

  Të drejtë Të gabuar Nuk e di