Linda Halimi është fituesja e Festivalit të Këngës në RTSH
Lindita Halimi me këngën “Botë” u shpall fituese e Festivalit të 55-të këngës në Radio Televizionin Shqiptar. Pas kësaj trofeje Linda Halimi do të përfaqësojë Shqipërinë në Eurovizion. “Do të mundohem të mos ju zhgënjej”, tha këngëtarja. VIDEO
Lindita Halimi me këngën “Botë” u shpall fituese e Festivalit të 55-të këngës në Radio Televizionin Shqiptar. Pas kësaj trofeje Linda Halimi do të përfaqësojë Shqipërinë në Eurovizion. “Do të mundohem të mos ju zhgënjej”, tha këngëtarja.
Fitorja e Halimit sipas drejtuesve te festivalit erdhi nga votat e jurisë së specialistëve dhe publikut nëpërmjet Fejsbukut. Nata e tretë finale e Festivalit të 55-të ka nisur me një retrospektivë mbresëlënëse.
Duke përdorur teknikën e halogramës u shfaq ikona e muzikës shqiptare Vaçe Zela, me hitin e saj “Moj e bukura Shqipëri”. Shfaqja vërtetë magjike u duartrokit gjatë nga publiku.
Një tjetër moment ishte prania e sopranos me famë botërore Inva Mula, e cila risolli edhe njëherë në memorien e publikut këngën e babait të saj, artistit të njohur Avni Mula, “Shqipëri o vendi im”.
U duartrokit edhe kolazhi i përzgjedhur nga këngët e festivaleve ndër vite në Radiotelevizionin shqiptar kënduar nga Ledina Çelo dhe Sidrit Bejleri.
Në natën e parë të festivalit prezantuesja Ledina Çelo është shfaqur më zhveshur se kurrë në jetën e saj skenike. Kjo mënyrë prezantimi ende është objekt i debateve nëse formati i festivalit tradicional të këngës duhet të ketë edhe mënyra të tilla prezantimi.
Festivali i 55-të i Këngës e ka mbyllur siparin e tij, por debatet rreth tij që kanë nisur që natën e parë pritet të vazhdojnë gjatë, jo vetëm për probleme të prezantimit, por edhe të skenarit e të profesionalizmit muzikor.