Lindita Nikolla merr vendimin e parë si kryetare e Kuvendit: Të hënën seancë plenare

Lindita Nikolla merr vendimin e parë si kryetare e Kuvendit: Të hënën seancë plenare

Kryetarja e Kuvendit, Lindita Nikolla

Kryetarja e Kuvendit, Lindita Nikolla nuk ka humbur kohë, duke marrë vendimin e parë në këtë detyrë, ndërsa ka përcaktuar ditën e hënë për mbajtjen e seancës së tretë plenare për këtë legjislaturë. Kuvendi do të mblidhet pasdite, në orën 17:00, për zgjedhjen e organeve drejtuese të Kuvendit.

Në rend të ditës është përcaktuar: zgjedhja e Byrosë dhe përbërja e sekretariateve, caktimi i kryesive të komisioneve parlamentare dhe caktimin e anëtarëve zëvendësues.

Nikolla u zgjodh si Kryetare e Kuvendit një ditë më parë dhe do të drejtojë këtë institucion të rëndësishëm për 4 vitet e ardhshme. Ajo mori 79 vota pro dhe 4 kundër, ndërsa PD bojkotoi votimin, duke grisur fletët e votimit. Në dy seancat e mbajtura ditën e premte, u betimi i deputetëve dhe zgjedhja e kryetares së parlamentit, ndërsa po dje Presidenti Ilir Meta dekretoi Edi Ramën si kryeministër i Shqipërisë, dalë fitues në zgjedhjet e 25 prillit.

Me mandatimin e kryeministrit nga Presidenti, Rama i paraqet për miratim Kuvendit, brenda 10 ditëve, programin qeverisës dhe emrat e ministrave parlamentit. Pas miratimit në Parlament, kryeministri i dërgon Presidentit për dekretim ministrat, i cili duhet të shprehet brenda 7 ditëve. Dekretet e miratuara nga Presidenti kalohen sërish nga Kuvendi në një afat 10 ditë. Para fillimit të detyrës, Kryeministri, zëvendëskryeministri dhe ministrat do të betohen para Presidentit, të cilin e shkarkuan vetëm pak muaj më parë.

(Kliko këtu) Urdhër nr.1, datë 11.9.2021 i Kryetarës së Kuvendit “Për mbledhjen e Kuvendit në Seancë Plenare, datë 13.9.2021, ora 17.00

 

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • emri: 11/09/2021 22:07

    u keput ne bythe kjo me kete vendimin qe mori qe me duket si ikone e vjedhur e ndonje kishe fshati te thelle

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet