Lionel Messi përplaset me trajnerin Scaloni te Argjentina

Kur u duk se gjithçka te Argjentina ishte në rrugën e duhur, fitorja 1-0 kundër Brazilit në superklasiken e kualifikuesueve për Kupën e Botës nuk ka kaluar pa polemika. Lionel Messi dhe trajneri i Argjentinës, Lionel Scaloni, kanë debatuar në lidhje me komentet e teknikut për një largim nga stoli i kampionëve të botës.

I pranishëm gjatë fitores së Argjentinës kundër Brazilit në "Maracana" më 22 nëntor, Lionel Messi nuk do donte të mësonte për dëshirat e largimit të trajnerit të tij Lionel Scaloni përmes konferencës së shtypit. Më pas “Pleshti” dhe tekniku patën një diskutim shumë të shkurtër.

Lionel Scaloni i befasoi të gjithë pas fitores historike të Argjentinës kundër Brazilit. Në vazhdën e numërimit të suksesit për kualifikueset për Botërorin 2026, trajneri shpalli dëshirën e tij për të “menduar” për të ardhmen, duke nënkuptuar një dorëheqje të mundshme.

Me këtë deklaratë do të ishte shumë i habitur edhe vetë Lionel Messi, ai që nuk ishte në dijeni të qëllimeve të trajnerit të tij. Gjatë një emisioni në radion argjentinase TN, prezantuesi Jorge Rial zbuloi prapaskenat e momentit kur tetë herë Topi i Artë mësoi lajmin dhe diskutimin që pasoi me Scalonin.

Lionel Messi do të ishte informuar nga një person i jashtëm për komentet e Lionel Scaloni , ndërsa ai ishte në telefon ndërsa trajneri fliste me mediat. "As Messi dhe as djemtë nuk dinin asgjë. Messi ishte krejtësisht i hutuar", tha Rial.

Më pas folën shkurt Lionel Messi dhe Lionel Scaloni. Sipas burimit të Jorge Rial, shkëmbimi i fjalëve ka zgjatur më pak se një minutë. “Ai që e ndërpreu bisedën dhe u largua ishte Messi. Biseda me Scalonin zgjati 32 sekonda. Po, 32 sekonda”, tha Jorge Rial. “Ka kode në futboll, dhe nëse e drejton një lojtar të mësojë gjëra nga shtypi, imagjinoni për Messin...”.

Tani për tani, disa ditë pas deklaratave të tij, Lionel Scaloni është ende në detyrë. Lionel Messi dhe shokët në ekip janë mërzitur edhe nga dhuna e krijuar në fundin e “superklasikos”, e cila mund të mos kishte ndodhur.

Kampionët në fuqi të botës ishin larguar për momentin nga fusha për t'u rikthyer në dhomat e zhveshjes pas përplasjeve mes tifozëve të dy vendeve.

S.DH/Shqiptarja.com

TAG:
• Argjentina
• lionel messi
• Lionel Scaloni