TIRANË - Gjykata kundër Krimit të Organizuar dhe Korrupsionit liron nga qelia Hasan Kanaci, punonjës i kargos, pasi 100 mijë eurot e gjetura në banesën e tij, nuk rezultojnë të jetë prerje me numër serie të njëjtë me ato që janë vjedhur nga bankat e nivelit të dytë, ngjarje e ndodhur më 9 prill në pistën e avionëve të aeroportit "Nënë Tereza" në Rinas.
Gjyqtari Bib Ndreca ka marrë sot vendimin për lirimin në një seancë në orën 12:00, siç raporton gazetari Elton Qyno, duke ndryshuar masën e sigurimit personal nga "arrest me burg", në "detyrim paraqitje". I dyshuari si informator për paratë i grupit të drejtuar nga Admir Murataj, organizatori i grabitjes i vrarë nga policia, u la i lirë pasi nuk ka prova që e implikojnë me grupin e grabitësve.
Shqiptarja.com mëson se edhe nga tabulatet telefonike, nuk rezulton që ai të ketë biseduar në asnjë rast me ndonjë nga grabitësit. Ditën e arrestimit policia sekuestroi 100 mijë euro në banesën e Kanacit, por ai pretendoi se i ka përfituar nga shitja e disa pronave.
Hasan Kanaci ishte me post shef i kargos, dhe dyshimet mbi të ranë pasi kishte ndryshuar radhën e ngarkesave për në barkun e avionit Tiranë-Vienë. Sipas procedurës, vlerat monetare janë të fundit që vihen, pas bagazheve të pasagjerëve, dhe më tej bëhet në pak minuta edhe mbyllja e derës së avionit.
Por më 9 prill, pamjet tregonin se në fillim futeshin disa valixhe qytetarësh, më tej futen thasët me para, dera rri hapur gjatë, dhe më tej afrohet një ngarkesë sërish me valixhe të pasagjerëve. Ky moment është shfrytëzuar nga grabitësit, pesë personat që u futën në pistë me një furgon me mbishkrimin "Hetimi Tatimor" dhe realizuan grabitjen spektakolare të 4.6 milionë eurove.
Pak metra larg aeroportit në Tapizë u vra Admir Murataj, organizator i grabitjes, i kërkuar për një sërë grabitjesh të tjera. Grupi thuajse është shkatërruar falë dëshmisë së të penduarit Alkond Bengasi, por sërish ka bashkëpunëtorë që nuk janë vënë në pranga. Ndërkohë Krimet e Rënda i kanë kërkuar Interpol të shpallë në kërkim ndërkombëtar për të dytën herë Klement Çalën, personin që dyshohet se në bashkëpunim me Admir Muratajn drejtonin grupit e grabitësve.
Komente
Lajme të tjera
-
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
-
Grabitja e 4,6 mln eurove në Rinas, dështon pretenca ndaj të arratisurit Talo Çela! Gjyqtarja mungoi për probleme shëndetësore! SPAK do lexonte dhe prova nga SKY ECC
1 Tetor, 12:39 -
Vrasja e Stiven Toshkesit, shpallet në kërkim 18-vjeçari, Arbër Murataj! I biri i Admir Muratajt, u vra në grabitjen e Rinasit
25 Prill 2023, 10:51 -
Sekuestrohen 2 mln € pasuri në pronësi të gruas së Admir Muratajt, që u vra në grabitjen e Rinasit! Apartament në Tiranë e Sarandë, 2 garazhe dhe tokë
12 Dhjetor 2022, 16:27 -
Grabitja e 4.6 mln eurove në Rinas, GJKKO jep 122 vite burg për 7 anëtarët e grupit! Klement Çala dënohet me 20 vite dhe me nga 17 vite 6 të tjerët
5 Tetor 2022, 15:26 -
Grabitja e Rinasit, seanca ndaj Talo Çelës do të mbahet më 7 qershor! Avokati: Nuk mori pjesë se kishte gjurin të dëmtuar, kam rezonancën e tij magnetike
23 Maj 2022, 11:49
-
Shpallet në kërkim vëllai i Admir Muratajt, grabitësit të Rinasit, Policia i gjen snajper dhe municion luftarak në banesë
21 Prill 2022, 16:42 -
Grabitën 10 mln euro në Rinas më 9 prill të 2019, SPAK kërkon 24 vite burg për Klement Çalën dhe nga 19 për 7 të pandehurit e tjerë
14 Prill 2022, 10:40 -
Mure të rrënuara dhe tavane të shembur, konflikti i pronësisë degradon Hanin e Gjelit në Korçë
19 Janar 2021, 07:47 -
Nën hetim për pastrim parash/ Prokuroria e Elbasanit sekuestron pasurinë e grabitësve të Rinasit, Klement dhe Eldi Çala
11 Janar 2021, 13:55 -
Alket Hyseni për reformën e pronës: Ky është një premtim i mbajtur i PS-së, procesi nuk do ndalet deri në regjistrimin e tapisë së fundit
24 Dhjetor 2020, 13:23 -
Grabitja e blindave me para, lirohet i penduari Admir Çerpja, ishte dënuar me 5 vite e 8 muaj
28 Nëntor 2020, 10:39
Sh.bukur ky viti i ri pa zhurma dhe kapsolle
Përgjigju