Listat, FRD: Pa standarte, me
njerëz të dubluar e pa adresa
Raportet e dy audituesve të listave, që u lexuan dje në KQZ, kanë nxitur FRD-në të ngrejë zërin:"Është e papranueshme që me gjithë reformat që reklamohen nga Qeveria Shqiptare, pothuajse 20% e shtetasve shqiptarë janë ende pa adresë."
TIRANE - Raportet e dy audituesve të listave, që u lexuan dje në KQZ, kanë nxitur FRD-në të ngrejë zërin për parregullsitë që ekzitojnë ende në listat e zgjedhësve nëpër qarqet e vendit. FRD-ja, nëpërmjet një deklarate, shprehet: "Nisur nga të dhënat më të fundit të auditit të zhvilluar nga KQZ, bie në sy një numër ende i lartë dhe i pajustifikueshëm i zgjedhësve të dubluar në lista, që shkon deri në 27 mijë persona. Po ashtu edhe zgjedhësit pa adresë në këto lista kanë kapur një shifër rekord prej 348 mijë personash, ç'ka përbën një problematikë alarmante në mbarëvajtjen e proçesit zgjedhor.
Referuar fakteve të mësipërme, Fryma e re Demokratike konstaton me keqardhje se puna e kryer deri më tash nga ana e Ministrisë së Brëndshme, Drejtorisë së Gjendjes Civile dhe Organeve Vendore ka lënë shumë për të dëshiruar dhe po kthehet në një nga problemet kryesore të këtyre zgjedhjeve, të cilat janë ende larg pritshmerisë së standarteve. Është e papranueshme që me gjithë reformat që reklamohen nga Qeveria Shqiptare, vijon që pothuajse 20% e shtetasve shqiptarë të jenë ende pa adresë, çka tregon një nivel të lartë papërgjegjshmërie dhe mungesë të qëllimëshme të kontrollit shtetëror mbi popullsinë në vend.
Fryma e Re Demokratike beson se mosveprimi nga ana e organeve shtetërore për të reduktuar brenda afateve ligjore që parashikon Kodi Zgjedhor, numrin e zgjedhësve pa adresë dhe të dubluar, është në vazhdën e perpjekjeve për manipulim të zgjedhjeve të ardhshme parlamentare. Ky është një skenar tepër i shëmtuar dhe i papranueshëm për rëndësinë që përfaqësojnë këto zgjedhje si në aspektin politik të vendit, po ashtu dhe në proçeset e intergrimit tonë drejt Bashkimit Europian. Manipulimi i zgjedhjeve sigurisht që ka një histori të turpshme në vendin tonë, por sot më shumë se kurrë çdo faktor konstruktiv qytetar, politik dhe ndërkombëtar kërkon që kjo pjesë e të shkuarës të arkivohet, dhe në këto zgjedhje të sundojë shteti ligjor dhe vullneti i lirë i zgjedhësve.
Çdo tentativë për të bllokuar, deformuar apo falsifikuar votën e shqiptarve do të konsiderohet një atentat që i bëhet kushtetutës, aspiratave të votuesve dhe integrimit të vendit. 23 Qershori është rasti për të treguar mbi të gjitha kulturë publike dhe qytetare, por dhe për të rikthyer besimin tek personat që nuk votojnë prej shumë vitesh, se edhe ata janë faktor i rëndësishëm për ndryshimet e pritshme në jetën politike të vendit. 23 Qershori është gjithashtu edhe dita kur të gjithë shqiptarët duhet të mbyllin kapitullin e fenomenit të pandëshkueshmërisë ndaj çdo nëpunësi apo politikani që synon ti shkatërrojë këto zgjedhje, vetëm për interesin e ngushtë të karriges së tij. Në këto kushte, duke denoncuar shqetësimin e mësipërm, Fryma e re Demokratike i bën thirrje organeve shtetërore, KQZ-së dhe çdo njësie vendore që të mundësojnë një proces serioz .
Fryma e re Demokratike, duke mbështetur dhe vlerësuar misionin e OSBE/ODHIR, si dhe përpjekjet për të normalizuar proçesin zgjedhor nga ana e diplomatëve të Shteteve të Bashkuara dhe Bashkimit Europian, fton këta të fundit të fokusojnë monitorimin e tyre edhe në këtë aspekt.
Redaksia online
(ar.sh/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
37.8%
-
Ministrisë
59.7%
-
Nuk e di
2.4%
Vota total: 1612
Votat totale janë unike
Lajme të tjera
-
Himara drejt zgjedhjeve, KQZ shqyrton mandatin e Fredi Belerit të enjten, pas vakancës Begaj shpall zgjedhjet
2 Korrik, 12:16
-
Apeli dënoi Belerin, kreu i FRESSH në Himarë kërkesë KQZ: Shpall pavlefshmërinë e mandatit, të mbahen zgjedhjet e reja
26 Qershor, 17:51
-
Komisioni i Ankesave dhe Sanksioneve lë në fuqi gjobat e vëna nga KQZ tre subjekteve politike: PS, PASH dhe Bindja Demokratike
11 Qershor, 17:38
-
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05
-
OSBE: Krimi zgjedhor të mos tolerohet më! Politika të frenojë shkeljet
6 Qershor, 16:05
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
Dekriminalizimi/ KQZ çon në Prokurori kryebashkiakun PS të Libohovës! PD: Hide, fshehu faktin se po hetohej për kultivimin e kanabisit në Gjirokastër
24 Maj, 17:25
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Dyshime për financime ruse dhe para të pista në periudhën kur PD drejtohej nga Berisha, SPAK zbarkon në KQZ
3 Maj, 14:19
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27