Lituania mbyll përkohësisht dy prej gjashtë pikave kufitare me Bjellorusinë për arsye sigurie

Lituania do mbyllë përkohësisht dy prej gjashtë pikave kufitare me Bjellorusinë, në Sumskas dhe Tverecius, për shkak të pasigurisë në rritje të situatës në kufi, ku ekziston frika e kalimit të emigrantëve të parregullt dhe mercenarëve Wagner.

Mbyllja e gjashtë pikave kufitare po bëhet për arsye të kalimit të emigrantëve të parregullt dhe mercenarëve Wagner, për të ndaluar kontrabandën e mallrave. 

Masa e miratuar sot nga qeveria do të hyjë në fuqi ditën e premte. Trafiku do të devijohet në vendkalimin Medininkai, i cili është hapur së fundmi dhe është i pajisur më mirë për kontrollet e sigurisë. 

Presidenti Gitanas Nauseda nuk e ka përjashtuar mundësinë e mbylljes së plotë të kufirit të vendit me Bjellorusinë. Lituania ndan një kufi prej 680 kilometrave me aleaten e ngushtë të Rusisë, Bjellorusinë.

Pas rebelimit të shkurtër kundër Moskës, trupat e Wagnerit janë larguar prej Ukrainës dhe kanë përfunduar në një kamp në Bjellorusi. Udhëheqësi i agjencisë kufitare të Lituanisë, Rustamas Liubajevas, ka vlerësuar se në Bjellorusi mund të jenë mbi 4.500 luftëtarë të Wagnerit.

Lajmi kryesor:

Lufta/ Shkarkohet gjenerali rus Surovikin, dyshohet se ishte aleat me Wagner! Ukraina merr përgjegjësinë për sulmin në urën e Krimesë

S.S/Shqiptarja.com

TAG:
• lituani
• bjellorusi