Skuadra e Jurgen Kloppit nisi me gola në minutën e 27-të përmes Sadio Manes. Coutinho dyfishoi epërsinë tre minuta më vonë, ndërsa Emre Can realizoi në minutën e 43-të për 3 me 0.
Firmino, Mane e Wijnaldum realizuan tre golat tjerë në pjesën e dytë. Për Watfordin të vetmin gol e shënoi Janmaat.
Liverpooli tani prin me 26 pikë, një më shumë se Chelsea e dy më shumë se City e Arsenali.
(Renditja në Premier League-n angleze)
Leipzig barazon Bayernin në krye të tabelës
Leipzig ka mposhtur 3 me 1 Mainzin për të barazuar me pikë Bayern Munchen në krye të tabelës në Bundesligë. Bayern dhe Lepzig kryesojnë me 24 pikë secili. Ekipi i ardhur nga Bundesliga 2 vetëm këtë sezon, vazhdon të tregojë paraqitje fantastike, teksa ende s'e kanë provuar shijen e humbjes.
Werner dy herë dhe një gol i Forbsergut mjaftuan për fitoren e shtatë të ekipit që sivjet është inkuadruar në Bundesligë.
Tani Leipzig ndan vendin e parë me 24 pikë bashkë me Bayern. Pas Bayern dhe Leipzig renditet Hoffenheim, ndërsa pas tyre vjen Hertha e Berlinit dhe Borussia Dortmund.
(Renditja në Bundesliga-n gjermane)
Redaksia Online
l.q/Shqiptarja.com