Llalla: Drogën në Shqipëri e
kemi luftuar mbi 150 për qind

TIRANE- Në 6 mujorin e parë të 2015, kryeprokurori Adriatik Llalla pretendon se ka rritur luftën kundër krimit, ku për disa vepra penale statistikat flasin mbi 150 për qind. Vepra që në 6 muaj ka prodhuar më tepër procedime penale është ajo e “Kultivimit të bimëve narkotike” dhe kjo përkon edhe me aksionet e shumta të ndërmarra nga policia në Lazarat, Vlorë, Dukagjin, Tepelenë e zona të ndryshme të vendit.

Ndërkohë rritje kanë pësuar dhe veprat penale me karakter korruptiv ku për “Korrupsioni pasiv i personave publike” procedimet e regjistruara për këtë vepër gjatë 6 mujorit 2015, rezultojnë me një rritje prej 5 herë, ndërsa procedimet e dërguara gjyqit janë rritur 8 herë.

Ndërkohë “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” janë regjistruar 2.5 herë më shumë procedime penale, krahasuar me gjashtë mujorin 2014. Për sa i përket veprës penale të “Ushtrimit të ndikimit të paligjshëm”, janë rritur me 50 për qind gjatë 6 mujorit 2015, krahasuar me të njëjtën periudhë të një viti më parë, dhe procedimet e dërguara për gjykim janë rritur me 80 për qind.

Luftë drogës
Sipas statistikave të Prokurorisë së Përgjithshme hetimi ka pësuar rritje edhe për veprat penale si “Grupi i strukturuar kriminal”, “Kultivim i bimëve narkotike” dhe “Trafikim i lëndëve narkotike”. Nga të dhënat statistikore të gjashtë mujorit të parë 2015 rezulton se, Prokuroria për Krime të Rënda ka regjistruar 6 procedime penale për “Grupi i strukturuar kriminal”, me 24 të pandehur dhe persona nën hetim.

Ndërkaq, 2 procedime penale me 19 të pandehur janë dërguar për gjykim me akuzën e krijimit, organizimit, drejtimit të grupit të strukturuar kriminal për kryerjen e veprave penale të ndihmës për kalimin e paligjshëm të kufijve dhe trafikimit të narkotikëve etj.

Nga të dhënat statistikore të gjashtë mujorit të parë 2015, rezulton se numri i procedimeve penale të regjistruara për nenin 284 të Kodit Penal “Kultivimi i bimëve narkotike” është rritur me 100 për qind, ndërkaq rritje me 157 për qind ka pësuar edhe numri i procedimeve dërguar  për gjykim për këtë vepër. Prokuroria ka regjistruar 55 procedime penale me 66 të pandehur dhe persona nën hetim për veprën penale të parashikuar nga neni 283/a “Trafikimi i Narkotikëve”, ndërkaq 31 procedime penale me 71 të pandehur janë dërguar për gjykim.
 
Tre dosje për akte terroriste në Shqipëri
Nga të dhënat statistikore të gjashtë mujorit të parë 2015, rezulton se Prokuroria për Krime të Rënda ka regjistruar, 3 procedime penale për “Vepra me qëllime terroriste”, dhe 2 procedime penale për veprën penale “Kanosja për kryerjen e veprave me qëllime terroriste”.

Lidhur me “Trafikimin e të miturve”, janë regjistruar 11 procedime penale ndaj 8 të pandehurve dhe personave nën hetim, kundrejt 3 procedimeve të regjistruara në gjashtë mujorin 2014. Ndërkohë që në zbatimit të ligjit “Antimafia”, rezulton se për gjashtë mujorin e parë 2015 është kërkuar nga Prokuroria dhe vendosur nga Gjykata e Shkallës së Parë për Krime të Rënda, sekuestrimi i pasurisë për 7 raste. Është kërkuar në Gjykatë konfiskimi i pasurisë në 6 raste.

Raporti 6-mujor i Prokurorisë 
 
Statistikat 6-mujore, Prokuroria Shqiptare, forcim luftës kundër korrupsionit dhe krimit të organizuar
 
Prokuroria Shqiptare, në përmbushje të prioriteteve institucionale, në 6-mujorin e parë të vitit 2015 ka shtuar dukshëm aktivitetin e saj hetimor në luftën kundër korrupsionit, shpërdorimit të detyrës dhe trafiqeve të paligjshme, përfshirë edhe goditjen e strukturave kriminale. Në bazë të analizës statistikore, krahasuar me 6-mujorin e parë të vitit 2014, gjatë periudhës Janar-Qershor 2015, ndër të tjera, janë regjistruar këto të dhëna:
 
“Shpërdorimi i detyrës” (Neni 248 i K.Penal)
Për veprën penale të parashikuar nga neni 248 i Kodit Penal “Shpërdorimi i detyrës ”, procedimet e dërguara për gjykim janë rritur me 75%, krahasuar me 6-mujorin e parë 2014. Konkretisht janë regjistruar 304 procedime me 76 të pandehur dhe persona nën hetim dhe i janë dërguar gjyqit 63 procedime dhe 132 të pandehur.
 
“Vjedhja duke shpërdoruar detyrën” (Neni 135 i K. Penal)
Procedimet penale të regjistruara për nenin 135 të Kodit Penal “Vjedhja duke shpërdoruar detyrën”, kanë pësuar një rritje prej 69% në gjashtë mujorin 2015, në të cilin janë regjistruar 147 procedime ndaj 77 të pandehurve dhe personave nën hetim. Procedimet e dërguara për gjykim kanë pësuar një rritje prej 83% krahasuar me gjashtë mujorin 2014, dhe janë dërguar për gjykim 44 procedime, duke ngritur akuzë për 53 të pandehur.
 
“Korrupsioni pasiv i personave publike” (Neni 244 i K. Penal)
Procedimet e regjistruara për këtë vepër gjatë 6 mujorit 2015, rezultojnë me një rritje prej 5 herë,  ndërsa procedimet e dërguara gjyqit janë rritur 8 herë.  
 
“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” (Neni 319/ç i K.Penal)
Lidhur me veprën penale të parashikuar nga neni 319/ç i Kodit Penal, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” janë regjistruar 2.5 herë më shumë procedime penale, krahasuar me gjashtë mujorin 2014.
 
“Ushtrimi i ndikimit të paligjshëm” (Neni 245/1 i K.Penal)
Procedimet penale të regjistruara për veprën e “Ushtrimit të ndikimit të paligjshëm”, janë rritur me 50 %  gjatë 6 mujorit 2015, krahasuar me të njëjtën periudhë të një viti më parë, dhe procedimet e dërguara për gjykim janë rritur me 80%.
 
“Pastrimi i produkteve të veprës penale” (Neni 287 i K. Penal)
Procedimet e regjistruara për këtë vepër gjatë 6 mujorit 2015, rezultojnë me një rritje prej 81%. 
Konkretisht, gjatë gjashtë mujorit 2015, prokuroria ka regjistruar 123 procedime penale ndaj 54 të pandehurve dhe persona nën hetim për veprën penale “Pastrimi i produkteve të veprës penale ose veprimtarisë kriminale”, parashikuar nga neni 287 i Kodit Penal.
 
 “Grupi i strukturuar kriminal” (Neni 333/a i Kodit Penal)
Nga të dhënat statistikore të gjashtë mujorit të parë 2015 rezulton se, Prokuroria për Krime të Rënda ka regjistruar 6 procedime penale për nenin 333/a të Kodit Penal “Grupi i strukturuar kriminal”, me 24 të pandehur dhe persona nën hetim. Ndërkaq, 2 procedime penale me 19 të pandehur janë dërguar për gjykim me akuzën e krijimit, organizimit, drejtimit të grupit të strukturuar kriminal për kryerjen e veprave penale të ndihmës për kalimin e paligjshëm të kufijve dhe trafikimit të narkotikëve etj.
 
“Kultivimi i bimëve narkotike” (Neni 284 i K.Penal)
Nga të dhënat statistikore të gjashtë mujorit të parë 2015, rezulton se numri i procedimeve penale të regjistruara për nenin 284 të Kodit Penal “Kultivimi i bimëve narkotike” është rritur me 100%, ndërkaq rritje me 157% ka pësuar edhe numri i procedimeve dërguar për gjykim për këtë vepër.
 
“Trafikimi i lëndëve narkotike” (Neni 283/a i K. Penal)
Prokuroria ka regjistruar 55 procedime penale me 66 të pandehur dhe persona nën hetim për veprën penale të parashikuar nga neni 283/a “Trafikimi i Narkotikëve”, ndërkaq 31 procedime penale me 71 të pandehur janë dërguar për gjykim.
 
 “Vepra me qëllime terroriste” (Neni 230 i K.Penal)
Nga të dhënat statistikore të gjashtë mujorit të parë 2015, rezulton se Prokuroria për Krime të Rënda ka regjistruar, 3 procedime penale për nenin 230 të Kodit Penal “Vepra me qëllime terroriste”, dhe 2 procedime penale për veprën penale të parashikuar nga neni 232/b “Kanosja për kryerjen e veprave me qëllime terroriste”.
 
“Trafikimi i të miturve” (Neni 128/b i K.Penal)
Lidhur me “Trafikimin e të miturve”, janë regjistruar 11 procedime penale ndaj 8 të pandehurve dhe personave nën hetim, kundrejt 3 procedimeve të regjistruara në gjashtë mujorin 2014.
 
Sekuestrimi dhe konfiskimi i pasurive (në zbatim të ligjit “Antimafia)
Në zbatimit të ligjit “Antimafia”, rezulton se për gjashtë mujorin e parë 2015 është kërkuar nga Prokuroria dhe vendosur nga Gjykata e  Shkallës së Parë për Krime të Rënda, sekuestrimi i pasurisë për 7 raste. Është kërkuar në Gjykatë konfiskimi i pasurisë në 6 raste. Për këtë periudhë, Gjykata e Shkallës së Parë ka dhënë 4 vendime që lidhen me konfiskimin, nga të cilat 3 janë pranuar dhe një rast është ende në shqyrtim gjyqësor.


Shkrimi u botua në Shqiptarja.com (print) në 2 Shtator 2015

Redaksia Online
(d.a/shqiptarja.com)   

TAG:
• lazarat