Një ditë pasi Shqiptarja.com dhe Report TV zbardhen projektligjin që i jep të drejtë policisë të përgjojë pa lejen e prokurorisë, ministri i Brendshëm Sandër Lleshaj e ka pranuar këtë nismë ligjore të qeverisë. Duke iu përgjigjur pyetjes së Report TV, ai tha se përgjimet do të autorizohen nga drejtues të policisë si organi ligjzbatues për parandalimin e krimir, pa autorizimin e prokurorisë.
"Policia e Shtetit është vetë organ ligjzbatues dhe ka detyrën dhe përgjegjësinë për të ushtruar parandalimin e krimit. Dhe leja do të jepet nga autoritetet përkatëse, drejtuese të policisë. Thashë edhe njëherë, Policia është një organ ligjzbatues i këtij shteti, e cila ka detyrë ekskluzive parandalimin e krimit. Dhe në funksion të këtij parandalimi, Policia do të ketë edhe këto instrumente në dorë", tha Lleshaj.
Lidhur me shqetësimin publik se projektligji i ri kërcënon të drejtat e njeriut, pasi krijon hapësirat që policia të kthehet në një instrument nga pushteti, Lleshaj tha se alarmi është dhënë nga ata që nuk janë njohur me draftin.
"Ne s’kemi nisur ndonjë plan për survejimin e të gjithë shtetasve shqiptarë në parlament. Nuk ka një plan të tillë, të survejojmë shtetasit shqiptarë. Janë dhënë alarme nga ata që ende nuk janë njohur me iniciativën e qeverisë, e cila synon vetëm t’i krijojë policisë mundësitë për të ushtruar funksionet e saj në drejtim të parandalimit të krimit", tha Lleshaj.
Report Tv ka mësuar se nisma ligjore ndryshon nenin 131 të ligjit aktual për Policinë e Shtetit, duke i dhënë kompetencë policisë, pa marrë leje tek prokuroria, të përgjojë bisedat e personave në ambiente publike, në mjete të transportit publik si dhe bisedat telefonike.
Ministri i Brendshëm Sandër Lleshaj pati një takim me forcat e FRONTEX në Kakavijë që monitorojnë kufirin, ku foli edhe për masat e marra nga policia për të luftuar kanabisin. Lleshaj u shpreh se është i angazhuar për ta çrrënjosur kanabisin në vend.
"Viti 2020 do të shënojë një hap të ri përshkallëzimi të përpjekjes së policisë në luftën kundër kanabisit. Ka një plan të madh ndërinstitucional që përfshihet policia, prefektura, agjencitë e tjera që janë të angazhuara që ky fenomen të çrrënjoset nga Shqipëria përfundimisht. Për këtë janë shtuar kapacitete të monitorimit, kryesisht nga ajri, një flotë e madhe dronësh tashmë është në operacion nuk ka mundësi që të kemi asnjë tolerancë, goditja ka qenë dhe do të jetë e fortë, ju garantoj se shifrat janë çdo ditë në ulje dhe fenomeni nuk ka më asnjë mundësi mbijetese në Shqipëri", tha Lleshaj.
Komente
Lajme të tjera
-
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Proda takohet me drejtuesit e rinj të komisariateve dhe u lë porosi: Angazhim maksimal për parandalimin e krimit dhe zbatim i ligjit!
21 Dhjetor, 15:11 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Kryepolici Proda emëron 48 shefat e Komisariateve në 12 drejtoritë e qarqeve, asnjë grua! Lista me EMRAT dhe qytetet
18 Dhjetor, 08:51
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Lufta kundër krimit dhe siguria e qytetarëve, kryepolici Proda pret ambasadorin e Arabisë Saudite: Forcim i mëtejshëm i bashkëpunimit!
10 Dhjetor, 15:47
skandal. nga koha e enverit e kemi importuar kete tipin?1
PërgjigjuPolicia nuk do pergjoje popullsine?pse kush e ndalon ta beje kete nese ky ligj kalon?ne cilat vende ku Shqiperia deshiron te bashkohet behen pergjime pa autorizimin e prokurorise??ne Amerike?ne Itali??ne Gjermani??ne asnje nga keto vende mund te pergjohet pa autorizimin e prokurorise...Po si ka mundesi qe nderkombetaret nuk ndihen fare?kjo psh eshte nje gje qe duhet te kete nje interes shume me te madh nga mediat,nuk duhet ti marre vemendjen teatri.
PërgjigjuPas nje pergjimi te mire I kerkon nje dor te mir lekesh se ndryshe cohen ne prokurori
PërgjigjuSe kush eshte kriminel e vendos prokuroria dhe gjykata e jo policia. Shume pikepyetje ngre ky ligj...
PërgjigjuKjo eshte e papranueshme i bie te kthehemi ne diktature do te kete abuzime pa fund nuk duhet pranuar nje gje e tille eshte skamdal po behemi shtet pa asnje lloj te drejte
PërgjigjuPo organet ligjzbatuese te vendit qe e kane te drejte ligjore te miratojne vet e aplikojne survejime, pergjime ambientale etj., e bejne kete ne menyre abuzive?! Le te flasin ekspertet per kete pune e t'mos jemi paragjykues.